കോവിഡ് ബാധിതരുടെ എണ്ണം 258: പ്രതിരോധം ശക്തമാക്കി ഇന്ത്യ
.jpeg)
കോവിഡ് ബാധിതരുടെ എണ്ണം കൂടിയതിനെ തുടര്‍ന്ന് എല്ലാ സംസ്ഥാനങ്ങളിലും കര്‍ശന നിയന്ത്രണമാണ് ഏര്‍പ്പെടുത്തിയിരിക്കുന്നത്. ആള്‍ക്കൂട്ടത്തിന് കര്‍ശന നിയന്ത്രണ ഏര്‍പ്പെടുത്തും. സ്കൂളുകള്‍, കോളജുകള്‍, തിയറ്ററുകള്‍, മാളുകള്‍, പാര്‍ക്കുകള്‍ തുടങ്ങിയ പൊതു സ്ഥലങ്ങളെല്ലാം അടച്ചിടാന്‍ നിര്‍ദേശം നല്‍കി. രാജസ്ഥാനില്‍ അഞ്ചുപേര്‍ക്ക് കൂടി പുതുതായി കോവിഡ് ബാധ സ്ഥിരീകരിച്ചതോടെ രോഗബാധിതരുടെ എണ്ണം 23 ആയി. പഞ്ചാബില്‍ ഒരാള്‍ക്ക് കൂടി പുതുതായി രോഗബാധ സ്ഥിരീകരിച്ചു.
ഗുജറാത്തിലെ വഡോദരയില്‍ ലങ്കയില്‍ നിന്നും മടങ്ങിയെത്തിയ 53 കാരന് കോവിഡ് ബാധ കണ്ടെത്തിയതോടെ ഗുജറാത്തില്‍ കോവിഡ് സ്ഥിരീകരിച്ചവരുടെ എണ്ണം എട്ടായി. മധ്യപ്രദേശിലെ ജബല്‍പൂരും കോവിഡ് ബാധ പുതുതായി സ്ഥിരീകരിച്ചു. പുതുതായി കാസർകോട്ട് കണ്ടെത്തപ്പെട്ട ആറു കേസുകളും പാലക്കാട്ടെ ഒരു കേസും അടക്കം ആകെ 40 കൊറോണ ബാധിതരാണ് കേരളത്തിൽ റിപ്പോർട്ട് ചെയ്യപ്പെട്ടിരിക്കുന്നത്.
Leave A Comment