സി.എ.എ നടപ്പാക്കും മുമ്പ് ബിജെപിക്ക് അധികാരത്തില്‍ നിന്ന് പുറത്തേക്കുള്ള വഴി കാണിച്ചുതരുമെന്ന് തൃണമൂല്‍ എം.പി മഹുവ മെത്ര
.jpeg)
കഴിഞ്ഞ ദിവസം പശ്ചിമ ബംഗാളിലെ സിലിഗുരിയിലെ റാലിയില്‍ സംസാരിക്കവേയാണ് ബി.ജെ.പി അധ്യക്ഷന്‍ സി.എ.എയെപറ്റി അഭിപ്രായ പ്രകടനം നടത്തിയത്. സി.എ.എ നടപ്പാക്കുന്നത് വൈകിയത് കോവിഡായതിനാലാണെന്നും നദ്ദ പറഞ്ഞിരുന്നു. പാര്‍ട്ടി സി.എ.എ നടപ്പാക്കാന്‍ പ്രതിജ്ഞാബദ്ധരാണെന്നും എല്ലാവര്‍ക്കും അതിന്‍റെ ഗുണം ലഭിക്കുമെന്നും നദ്ദ പറഞ്ഞു. 2021ല്‍ നടക്കാനിരിക്കുന്ന തെരഞ്ഞെടുപ്പിന് മുന്നോടിയായി സംഘടനാകാര്യങ്ങള്‍ക്ക് മേല്‍നോട്ടം വഹിക്കാനാണ് നദ്ദ ബംഗാളിലെത്തിയത്. മമതയെപ്പോലെ വിഭജിച്ച്‌ ഭരിക്കാനല്ല ബി.ജെ.പി ശ്രമിക്കുന്നതെന്നും എല്ലാവര്‍ക്കും വികസനമെത്തിക്കാനാണെന്നും നദ്ദ പറഞ്ഞു.
പാക്കിസ്ഥാൻ, അഫ്ഗാനിസ്ഥാൻ, ബംഗ്ലാദേശ് എന്നീ രാജ്യങ്ങളിൽ നിന്നുള്ള മുസ്‌ലിമേതര അഭയാർത്ഥികൾക്ക് പൗരത്വം നൽകുന്ന നിയമമായ പൗരത്വ ഭേദഗതി നിയമം അമിത് ഷാ പാർലമെന്റിൽ പ്രഖ്യാപിച്ചതിന് പിന്നാലെ രാജ്യത്തുടനീളം ശക്തമായ പ്രതിഷേധങ്ങൾ അലയടിച്ചിരുന്നു.
Leave A Comment