മസ്ജിദിൽ കോവിഡ് നിയന്ത്രണങ്ങള്‍ പാലിക്കാൻ സൗകര്യമില്ല: ജർമനിയിൽ ജുമുഅ നടത്താൻ ചർച്ച് തുറന്നു നൽകി
.jpeg)
ബെര്‍ലിന്‍: വൈറസിനെ വ്യാപനത്തെ പ്രതിരോധിക്കുന്നതിൽ ലോകരാജ്യങ്ങൾക്ക് തന്നെ മാതൃകയായ ജർമ്മനിയിൽ നിന്നൊരു സുന്ദര വാർത്ത.
1.5 മീറ്റര്‍ അകലം പാലിച്ച്‌ ആരാധനാലയങ്ങളില്‍ പ്രാര്‍ഥന നടത്താന്‍ മെയ് 4 മുതൽ അനുവാദം നല്‍കിയ ജര്‍മനിയിൽ
സാമൂഹിക അകലം പാലിച്ച്‌ ജുമുഅ നടത്താനായി ബെര്‍ലിനില്‍
മുസ്‌ലിംകള്‍ക്ക് ചര്‍ച്ച്‌ തുറന്നു നല്‍കി. കൊറോണയെ പ്രതിരോധിക്കാൻ 8 ആഴ്ചകൾ നീണ്ട ലോക് ഡൗണിന് ശേഷമായിരുന്നു ഇത്.
ബെര്‍ലിനിലെ നിയോകോള്‍ ജില്ലയിലെ ദാര്‍ അസ്സലാം മസ്ജിദിന് സാമൂഹിക നിയന്ത്രണങ്ങള്‍ പാലിച്ച്‌ ജുമുഅ നടത്താനുള്ള സൗകര്യങ്ങള്‍ ഇല്ലാതെ വന്നതോടെയാണ് സഹായവുമായി ക്രൂസ്ബര്‍ഗിലെ മാര്‍ത്ത ലൂഥറന്‍ ചര്‍ച്ച്‌ രംഗത്തുവന്നത്.
"റമദാൻ വളരെ വിലയേറിയതാണെന്ന് ഞാൻ വിശ്വസിക്കുന്നു, അതിനാൽ ഈ പുണ്യദിനത്തിൽ നമ്മൾ പ്രാർത്ഥിക്കുകയും പരസ്പരം ഹൃദയം തുറന്നു വയ്ക്കുകയും ചെയ്യണമെന്നും ഞാൻ കരുതുന്നു, കാരണം, ഇത് മനുഷ്യകുലത്തിനു തന്നെ ഏറെ ഗുണകരവും സമാധാനത്തെ ശക്തിപ്പെടുത്തുന്നതുമാണ്", മാര്‍ത്ത ലൂഥറന്‍ ചർച്ച് മേധാവി മോണിക മത്തിയോസ് പറഞ്ഞു.
Leave A Comment