മലേഷ്യൻ പ്രധാനമന്ത്രി പദം ലക്ഷ്യമിട്ട് അൻവർ ഇബ്രാഹിം
രാജാവിനെ കണ്ട് തന്റെ ഭൂരിപക്ഷം അറിയിക്കുവാൻ അൻവർ ഇബ്രാഹിം ശ്രമിച്ചിരുന്നെങ്കിലും അസുഖബാധിതനായതിനെ തുടർന്ന് രാജാവിനെ ആശുപത്രിയിൽ പ്രവേശിപ്പിച്ചതിനാൽ ശ്രമം ഫലം കണ്ടില്ല. രാഷ്ട്രീയ കൊടുങ്കാറ്റുകളെ തുടർന്ന് മുൻ പ്രധാനമന്ത്രി മഹാതിർ മുഹമ്മദ് രാജിവെച്ചതിന് പിന്നാലെയാണ് നിലവിലെ പ്രധാനമന്ത്രി മുഹിയുദ്ദീൻ യാസീൻ അധികാരത്തിലെത്തുന്നത്. അൻവർ ഇബ്രാഹിം ഭരണമാറ്റം സൃഷ്ടിച്ചാൽ വെറും 7 മാസത്തെ കാലാവധി മാത്രമാണ് മുഹിയുദ്ദീൻ യാസിന് പ്രധാനമന്ത്രിപദത്തിൽ ലഭിക്കുക.
അൻവർ ഇബ്രാഹിമിന്റെ പ്രഖ്യാപനത്തോട് ഗവൺമെന്റ് ഔദ്യോഗികമായി പ്രതികരിച്ചിട്ടില്ല. അൻവർ ഇബ്രാഹിമിന്റെ പ്രഖ്യാപനം തീർത്തും കള്ളമാണെന്നാണ് വാണിജ്യ മന്ത്രി അസ്മീൻ അലി വ്യക്തമാക്കിയത്. നാഷണൽ ട്രസ്റ്റ് പാർട്ടി അൻവർ ഇബ്രാഹിമിന് പൂർണ്ണ പിന്തുണ പ്രഖ്യാപിച്ചപ്പോൾ മലേഷ്യൻ ഇസ്‌ലാമിക് പാർട്ടി അൻവർ ഇബ്രാഹിബിനെ പിന്തുണക്കില്ലെന്ന് വ്യക്തമാക്കി. അതേസമയം ഡെമോക്രാറ്റിക് ആക്ഷൻ പാർട്ടി കാര്യങ്ങൾ പഠിച്ചതിനുശേഷം നയം പ്രഖ്യാപിക്കുമെന്ന് വ്യക്തമാക്കി.
Leave A Comment