ശൈഖ് നവാഫ് അല്‍ അഹമ്മദ് അല്‍ സ്വബാഹ് പുതിയ കുവൈത്ത് ഭരണാധികാരി
പത്താമത് കുവൈത് അമീര്‍ ശൈഖ് അഹ്മദ് അല്‍ ജാബിര്‍ അല്‍ മുബാറക് അല്‍ സ്വബാഹിന്റെ ആറാമത്തെ പുത്രനായി 1937 ജൂണില്‍ കുവൈതിലാണ് ശൈഖ് നവാഫിന്റെ ജനനം. 2006 ലാണ് കിരീടാവകാശിയായി നിയോഗിക്കപ്പെട്ടത്. 1962ല്‍ ഹവല്ലി ഗവര്‍ണറായാണ് ഔദ്യോഗിക ജീവിതം ആരംഭിച്ചത്. തുടര്‍ന്ന് 78 ലും പിന്നീട് 86 -88 കാലത്തും കുവൈത്തിന്റെ ആഭ്യന്തര മന്ത്രിയായി ചുമതലയേറ്റു. 88 ലും 90ലും പ്രതിരോധമന്ത്രിയായും 91ല്‍ തൊഴില്‍ -സാമൂഹിക മന്ത്രാലയത്തിന്‍റെ ചുതമലയും വഹിച്ചു. 94ല്‍ നാഷനല്‍ ഗാര്‍ഡ് മേധാവിയായി. 2003 ല്‍ ഉപപ്രധാനമന്ത്രിയും പിന്നീട് 2006 ല്‍ കിരീടാവകാശിയുമായി തിരഞ്ഞെടുക്കപ്പെടുത്തായിരുന്നു.
കുവൈത്ത് അമീര്‍ ശൈഖ് സ്വബാഹ് അല്‍ അഹ്മദ് അല്‍ ജാബിര്‍ അല്‍ സ്വബാഹിന്റെ നിര്യാണത്തെ തുടര്‍ന്ന് രാജ്യത്ത് നാല്‍പത് ദിവസത്തെ ദുഃഖാചരണം നടക്കും. സര്‍ക്കാര്‍ ഓഫീസുകള്‍ മൂന്ന് ദിവസം അടച്ചിടാനും തീരുമാനമുണ്ട്. ഈ ദിവസങ്ങളില്‍ ദേശീയപതാക താഴ്ത്തിക്കെട്ടും. സര്‍ക്കാര്‍, സ്വകാര്യ സ്ഥാപനങ്ങള്‍ക്കും അവധിയായിരിമെന്ന് ദിവാന്‍ ഓഫ് റോയല്‍ കോര്‍ട്ട് പുറപ്പെടുവിച്ച പ്രസ്‌താവനയില്‍ പറഞ്ഞു.
Leave A Comment