ഡോ. കഫീല്‍ ഖാന്‍റെ പരോള്‍ റദ്ദാക്കിയെന്ന പരാതിയുമായി ഭാര്യ
.jpeg)
ന്യൂഡൽഹി: സുപ്രിം കോടതി ഉത്തരവ് മറികടന്ന് ലക്നൌ ജയിലില്‍ കഴിയുന്ന ഡോ. കഫീല്‍ ഖാന്‍റെ പരോള്‍ റദ്ദാക്കിയെന്ന പരാതിയുമായി ഭാര്യ ഡോ.ഷാബിസ്ത ഖാന്‍ രംഗത്തെത്തി. മാര്‍ച്ച്‌ 23ലെ സുപ്രിം കോടതി ഉത്തരവ് പ്രകാരം മാര്‍ച്ച്‌ 29ന് പുറത്തിറങ്ങേണ്ടവരുടെ പട്ടികയില്‍ കഫീല്‍ ഖാന്‍റെ പേരും ഉണ്ടായിരുന്നതായും എന്നാൽ സർക്കാർ പകപോക്കൽ നടപടിയുടെ ഭാഗമായി അവഗണിക്കുകയായിരുന്നെന്നും ഷാബിസ്ത പറയുന്നു.
കോവിഡ് 19 പടര്‍ന്ന് പിടിക്കുന്നതിനെ പ്രതിരോധിക്കുന്നതിന്‍റെ ഭാഗമായി ജയിലില്‍ ആള്‍ക്കൂട്ടം ഒഴിവാക്കാന്‍ ഏഴ് വര്‍ഷത്തിന് താഴെ ശിക്ഷയുള്ള കുറച്ച്‌ കുറ്റവാളികള്‍ക്ക് പരോള്‍ നല്‍കാന്‍ സംസ്ഥാനങ്ങള്‍ക്ക് നിര്‍ദ്ദേശം നല്‍കിക്കൊണ്ട് സുപ്രിം കോടതി ഉത്തരവ് വന്നിരുന്നു. എന്നാല്‍, പരോള്‍ ലഭിച്ചവരുടെ പട്ടികയില്‍ കഫീല്‍ ഖാന്‍റെ പേരുണ്ടായിട്ടും എന്തുകൊണ്ട് പരോള്‍ ലഭിച്ചില്ല എന്നതാണ് ഉയര്‍ന്നുവരുന്ന വിമര്‍ശനം. പൗരത്വ ഭേദഗതി നിയമത്തിനെതിരെ പ്രസംഗിച്ചതിനാണ് ഡോ: കഫീൽ ഖാനെതിരെ കേന്ദ്രസർക്കാർ കേസെടുത്തിരിക്കുന്നത്.
Leave A Comment