ബ്രിട്ടീഷ് റാപ്പര് സെന്ട്രല് സീ ഇസ്ലാം സ്വീകരിച്ചു
പ്രശസ്ത ബ്രിട്ടീഷ് റാപ്പര് സെന്ട്രല് സീ ഇസ്ലാം സ്വീകരിച്ചു. പ്രൊഫഷണലായി സെന്ട്രല്സീ എന്നാണ് അറിയപ്പെടുന്നതെങ്കിലും യഥാര്ത്ഥ പേര് ഓക്ലി നീല് സീസര് സു എന്നാണ്. അദ്ദേഹം തന്നെയാണ് താന് ഇസ്ലാം മതം സ്വീകരിച്ചതായി ഒരു ലൈവ് സ്ട്രീമിനിടെ പ്രഖ്യാപനം നടത്തിയത്. അദ്ദേഹം കാഴ്ചക്കാരോട് പറഞ്ഞു,
'ഞാന് എന്റെ പേര് മാറ്റി, ഷഹാദത്ത് കലിമ ചൊല്ലി, ഞാന് ഇപ്പോള് ഒരു മുസ്ലിമാണ്'
മതപരിവര്ത്തനത്തിന്റെ ഭാഗമായി തന്റെ ആദ്യ പേര് ഓക്ലിയില് നിന്ന് അഖീല് എന്നാക്കി മാറ്റിയതായും 27 കാരനായ കലാകാരന് വെളിപ്പെടുത്തി.ഇസ്ലാമിലേക്കുള്ള തന്റെ ഔപചാരികമായ പ്രവേശനത്തെ അടയാളപ്പെടുത്തുന്ന സ്ട്രീമിലാണ് അദ്ദേഹം ഷഹാദത്ത് കലിമ ചൊല്ലിയത്.
തന്റെ വ്യതിരക്തമായ ശബ്ദത്തിലൂടെയും സാധാരണക്കാര്ക്ക് മനസ്സിലാവുന്ന വരികളിലൂടെയും ദശലക്ഷക്കണക്കിന് ആളുകളുടെ ശ്രദ്ധ ആകര്ഷിച്ച റാപ്പറാണ് സെന്ട്രല് സീ. അദ്ദേഹത്തിന്റെ ഈ വെളിപ്പെടുത്തല് ഒരു അഗാധമായ വ്യക്തിഗത പരിവര്ത്തനത്തെ സൂചിപ്പിക്കുന്നു. തത്സമയ സ്ട്രീമിനിടെ സന്നിഹിതരായ സുഹൃത്തുക്കള് അദ്ദേഹത്തെ അഭിനന്ദിച്ചു. എന്നിരുന്നാലും അദ്ദേഹം തന്റെ മതപരമായ യാത്രയെ കുറിച്ച് കൂടുതല് വിപുലമായ പ്രഖ്യാപനം നല്കിയില്ല.ഈ പ്രഖ്യാപനത്തിന് മുമ്പ് സെന്ട്രല് സീ തന്റെ മതപരമായ വിശ്വാസങ്ങളെ കുറിച്ച് പരസ്യമായി ചര്ച്ച ചെയ്തിരുന്നില്ല. എന്നിരുന്നാലും അറബിക് അടിക്കുറിപ്പുകള് ഉള്കൊള്ളുന്ന മുന് സോഷ്യല് മീഡിയ പോസ്റ്റുകളെ അടിസ്ഥാനമാക്കി ആരാധകര് പലതും ഊഹിച്ചിരുന്നു.
1998 ജൂണ് 4 ന് ലണ്ടനില് ജനിച്ച സെന്ട്രല് സി 2014 ലാണ് തന്റെ സംഗീത ജീവിതം ആരംഭിക്കുന്നത്. അതിന് ശേഷം യു.കെ ഡ്രില് റാപ്പ് രംഗത്തെ നിര്ണ്ണായക വ്യക്തികളില് ഒരാളായി അദ്ദേഹം ഉയരുകയായിരുന്നു.വെസ്റ്റ് ലെണ്ടന് ഒറിജിനായ അദ്ദേഹം നിരവധി സംഗീത രീതികള് സമന്വയിപ്പിച്ച് ആഗോളം വിജയം നേടുകയും പ്ലാറ്റ് ഫോമുകളിലുടനീളമുള്ള ശതകോടിക്കണക്കിന് സ്ട്രീമുകളുള്ള 2024 ല് ഏറ്റവും കൂടുതല് സ്ട്രീം ചെയ്ത യു.കെ റാപ്പറായി മാറുകയും ചെയ്തു.
2020 ലെ ഒരു തകര്പ്പന് നിമിഷം, 2021 ല്യു.കെ ചാര്ട്ടുകളില് രണ്ടാം സ്ഥാനത്തെത്തിയ ഒരു മിക്സ്ടേപ്പ്, യുകെ ആല്ബങ്ങളുടെ ചാര്ട്ടില് ഒന്നാമതെത്തിയ 2022 ലെ ആല്ബം, എന്നിവ ഉള്പ്പെടെയുള്ള പ്രധാന നാഴികക്കല്ലുകള് അദ്ദേഹത്തിന്റെ കരിയറിനെ അടയാളപ്പെടുത്തി.
2023 ല് ഡേവുമായുള്ള സെന്ട്രല് സീയുടെ കൂട്ടുകെട്ട് തുടര്ച്ചയായി പത്ത് ആഴ്ച ചാര്ട്ടുകളില് ആധിപത്യം സ്ഥാപിച്ചു.അതേസമയം 2025 ഓടെ ബില്ബോര്ഡ് 200 ന്റെ ആദ്യ 10 ല് അരങ്ങേറുന്ന ആദ്യത്തെ യു.കെ റാപ്പറായി അദ്ദേഹം മാറുകയും ഇത് അദ്ദേഹത്തിന്റെ സൂപ്പര്സ്റ്റാര് പദവി കൂടുതല് ഉറപ്പിക്കുകയും ചെയ്തിരുന്നു.
Leave A Comment