നമസ്കാരത്തിന്റെ സുജൂദിൽ വെച്ച് എന്ത് കാര്യവും പ്രാർത്ഥിക്കാൻ പറ്റുമോ? അറബി ഭാഷയിൽ എന്ത് കാര്യവും സുധീർഘമായി പ്രാർത്ഥിക്കാം എന്ന് കേൾക്കുന്നത് ശരിയാണോ? അങ്ങിനെ ചെയ്യുന്നത് കൊണ്ട് നമസ്കാരത്തിന് ഭംഗം വരുമോ?
ചോദ്യകർത്താവ്
Mishal
Sep 24, 2019
CODE :Fiq9450
അല്ലാഹുവിന്റെ തിരുനാമത്തില്, അവനാണ് സര്വ്വസ്തുതിയും, മുഹമ്മദ് നബി (സ്വ)യിലും കുടുംബത്തിലും അനുചരന്മാരിലും അല്ലാഹുവിന്റെ സ്വലാത്തും സലാമും സദാ വര്ഷിക്കട്ടേ.
സുജൂദ് അടിമ ഉടമയായ റബ്ബിനോട് ഏറ്റവും കൂടുതല് അടുക്കുന്ന സന്ദര്ഭമാണല്ലോ. സുജൂദില് കിടന്ന് അല്ലാഹുവിനോട് അറബി ഭാഷയില് എന്ത് നല്ല കാര്യവും എത്ര സുധീര്ഘമായും ചോദിക്കാം. നിസ്കാരത്തിന് ഭംഗം വരില്ല.
നിസ്കാരത്തില് അല്ലാഹുവിനോടും റസൂലിനോടുമല്ലാത്ത മറ്റാരോടും നേരിട്ട് അഭിമുഖസംഭാഷണം നടത്താന് പാടില്ല. ആയതിനാല് സലാം മടക്കുക, ഏതെങ്കിലും വ്യക്തികളോട് നിനക്ക് അല്ലാഹു നന്മ തരട്ടെ എന്നതു പോലെയുള്ള വാചകങ്ങള് ഉപയോഗിക്കുക, ഇവയൊന്നും ദുആയാണെങ്കില് പോലും നിസ്കാരത്തില് അനുവദനീയമല്ല. അങ്ങനെ സംഭവിച്ചാല് നിസ്കാരം ബാത്വിലാവുന്നതാണ്.
കൂടുതല് അറിയാനും അത് അനുസരിച്ച് പ്രവര്ത്തിക്കാനും അല്ലാഹു തൌഫീഖ് പ്രദാനം ചെയ്യട്ടേ.
