വിഷയം: സോഷ്യല്മീഡിയ സഹായ അഭ്യര്ത്ഥനകള്ക്ക് ബാങ്ക വഴി സകാത്ത് ഫണ്ട് അയച്ചുകൊടുക്കല്
സന്നദ്ധപ്രവര്ത്തകരായ ചിലര് പാവപ്പെട്ടവരെ കണ്ട് സോഷ്യല്മീീഡിയയില് സഹായം അഭ്യര്ത്ഥിതക്കുന്ന വീഡിയോ ചെയ്ത് പോസ്റ്റ് ചെയ്യാറുണ്ട്. ഇത്തരം വീഡിയോഗകില് കാണുന്ന രോഗികളുടെ അക്കൗണ്ടിലേക്ക് സകാത് ഇനത്തിലുള്ള കാശ് അയച്ചു കൊടുത്താൽ സകാത് വീടുമോ?
ചോദ്യകർത്താവ്
Jabir
May 9, 2020
CODE :Fin9789
അല്ലാഹുവിന്റെ തിരുനാമത്തില്, അവനാണ് സര്വ്വസ്തുതിയും, മുഹമ്മദ് നബി (സ്വ)യിലും കുടുംബത്തിലും അനുചരന്മാരിലും അല്ലാഹുവിന്റെ സ്വലാത്തും സലാമും സദാ വര്ഷിക്കട്ടേ.
സോഷ്യല്മീഡിയയില് സഹായം അഭ്യര്ത്ഥിച്ചു വരുന്ന എല്ലാം സകാത്തിന് അര്ഹരാകണമെന്നില്ല. ഏതു സ്വത്തിന്റെ പേരിലുള്ള സകാത്താണോ നല്കുന്നത് ആ സ്വത്തുള്ള പ്രദേശത്തെ അവകാശികള്ക്കാണ് സകാത്ത് നല്കേണ്ടത്. മറ്റു നാടുകളിലേക്ക് സകാത്ത് നീക്കം ചെയ്യാമെന്ന അഭിപ്രായ പ്രകാരം സകാത്തിന്റെ അവകാശികളാണെന്ന് അന്വേഷണം നടത്തി ഉറപ്പ് വരുത്തിയ ശേഷം മാത്രം സകാത്തിന്റെ വിഹിതം അവര്ക്ക് അയച്ചു കൊടുക്കാവുന്നതാണ്. സകാത്തിന്റെ അവകാശികളായ ആളുകള്ക്ക് ബാങ്കിലേക്ക് പണം അയച്ചുകൊടുക്കുന്നതിന് വിരോധമൊന്നുമില്ല.
കൂടുതല് അറിയാനും അത് അനുസരിച്ച് പ്രവര്ത്തിക്കാനും അല്ലാഹു തൌഫീഖ് പ്രദാനം ചെയ്യട്ടേ.
