Islamonweb

അല്ലാഹുവിന്റെ തിരുനാമത്തില്‍, അവനാണ് സര്‍വ്വ സ്തുതിയും, പ്രവാചകരുടെയും കുടുംബത്തിന്റെയും മേല്‍ അല്ലാഹുവിന്റെ അനുഗ്രഹങ്ങള്‍ വര്‍ഷിച്ചുകൊണ്ടിരിക്കട്ടെ വിവാഹ ബന്ധത്തിലൂടെ പലരും മഹ്റം ആയിത്തീരുന്നുണ്ട്. (മഹ്റം – കാണല്‍ അനുവദനീയമായവര്‍ ). പുരുഷന്‍ ഒരു സ്ത്രീയെ വിവാഹം കഴിക്കുന്നതിലൂടെ, ഭാര്യക്ക് ഭര്‍ത്താവിന്‍റെയും ഭര്‍ത്താവിന് ഭാര്യയുടെയും മാതാപിതാക്കളും (വലിയുമ്മമാരും വലിയുപ്പമാരും അടക്കം) മക്കളും (പേരമക്കളടക്കം) ആണ് ഇത്തരത്തില്‍ മഹ്റം ആയിത്തീരുക. മഹ്റം ആയവരെ തൊട്ടാല്‍ വുളു മുറിയുകയില്ല. ഭാര്യാഭര്‍തൃബന്ധം ഉണ്ടാവുന്നതിലൂടെ ഓരോരുത്തര്‍ക്കും അപരന്‍റെ മാതാപിതാക്കളും മക്കളും (മുന്‍ബന്ധങ്ങളിലുള്ളത്) സ്വന്തം മാതാപിതാക്കളെയും മക്കളെയും പോലെ ആയിത്തീരുന്നു എന്നതാണ് ഇതിന് കാരണം. ഭാര്യയുമായുള്ള ബന്ധം ഒഴിഞ്ഞാല്‍ പോലും അവളുടെ മാതാപിതാക്കള്‍ മഹ്റം ആയി തുടരുമെന്നതും ഈ ബന്ധത്തിന്‍റെ മഹത്വമാണ് അറിയിക്കുന്നത്. ഇതുമായി ബന്ധപ്പെട്ട് മുമ്പ് നാം വിശദമാക്കിയത് ഇവിടെ വായിക്കാവുന്നതാണ്. ബന്ധങ്ങള്‍ പവിത്രതയോടെ കാത്തുസൂക്ഷിക്കാന്‍ നാഥന്‍ തുണക്കട്ടെ.