Islamonweb

അല്ലാഹുവിന്റെ തിരുനാമത്തില്‍, അവനാണ് സര്‍വ്വസ്തുതിയും, പ്രവാചകരുടെയും കുടുംബത്തിന്റെയും മേല്‍ അല്ലാഹുവിന്റെ അനുഗ്രഹങ്ങള്‍ വര്‍ഷിച്ചുകൊണ്ടിരിക്കട്ടെ. പ്രത്യുത്പാദന ശേഷി, ജീവന്‍രക്ഷയുടെ മാര്‍ഗം പോലെയുള്ള അത്യാവശ്യങ്ങള്‍ക്കൊഴികെ, പാടേ എടുത്തു കളയുന്നത് ഹറാമാണ്. എന്നാല്‍ താല്‍ക്കാലിക ഗര്‍ഭധാരണ നിരോധന മാര്‍ഗങ്ങള്‍ അനുവദനീയമാണ്. നബി(സ)യുടെ കാലത്ത് ചില സ്വഹാബാക്കള്‍ ഇത്തരത്തിലുള്ള ഒരു മാര്‍ഗമായ അസ്‍ല് (സ്ഖലനത്തിനു മുമ്പ് പുരുഷ ലിംഗം പുറത്തെടുക്കുന്ന രീതി - Coitus interruptus) ചില സമയങ്ങളില്‍ റസൂല്‍(സ)യുടെ അനുമതിയോടെ ചെയ്തിരുന്നു. സന്താനോല്‍പാദനം തടയണമെന്ന ഉദ്ദേശത്തോടെയാണെങ്കില്‍ അത് കറാഹത് ആണ്. ഗര്‍ഭ നിരോധന ഉറകള്‍, കോപ്പര്‍ ടി തുടങ്ങിയവ ഉപയോഗിക്കുന്നത് താല്‍ക്കാലികമായി സന്താനോല്‍പാദനം നിര്‍ത്തിവെക്കാനായതു കൊണ്ട് അത് കറാഹത് ആണ്. എന്നാല്‍ ഇതുമൂലം ആരോഗ്യകരമായ പ്രത്യാഘാതങ്ങളുണ്ടെങ്കില്‍ അവ നിഷിദ്ധമാണ്. കൂടുതല്‍ അറിയാനും അത് അനുസരിച്ച് പ്രവര്‍ത്തിക്കാനും നാഥന്‍ തുണക്കട്ടെ.