Islamonweb

അല്ലാഹുവിന്റെ തിരുനാമത്തില്‍, അവനാണ് സര്‍വ്വസ്തുതിയും, പ്രവാചകരുടെയും കുടുംബത്തിന്‍റെയും മേല്‍ അല്ലാഹുവിന്‍റെ അനുഗ്രഹങ്ങള്‍ വര്‍ഷിച്ചുകൊണ്ടിരിക്കട്ടെ. ജിബ്‍രീല്‍ (അ) ഏല്‍പിക്കപ്പെട്ട പല ജോലികളില്‍ ഒന്നും വളരെ പ്രധാനപ്പെട്ടതുമാണ് നബിമാര്‍ക്ക് വഹ്‍യ് എത്തിക്കുകയെന്നത്. ഇതല്ലാത്ത മറ്റു പല ജോലികളും ജിബ്‍രീല്‍ (അ) ഏല്‍പിക്കപ്പെട്ടതായി ഖുര്‍ആനിലും ഹദീസിലും വന്നിട്ടുണ്ട്. ലൈലതുല്‍ ഖദ്റിന് അള്ളാഹുവിന്റെ കല്‍പനപ്രകാരം ഭൂമിയിലേക്കിറങ്ങുക അതിലൊന്നാണ്. അള്ളാഹു ഒരാളെ ഇഷ്ടപ്പെട്ടാല്‍ അള്ളാഹു ജിബ്‍രീലിനെ വിളിച്ച് അദ്ദേഹത്തെ ഇഷ്ടപ്പെടാന്‍ കല്‍പിക്കുകയും അത് മലക്കുകള്‍ക്കിടയില്‍ വിളംബരം ചെയ്യാന്‍ ജിബ്‍രീല്‍ (അ) നെ ഏല്‍പിക്കുകയും ചെയ്യുമെന്ന് ഹദീസില്‍ വന്നിട്ടുണ്ട്. ജനങ്ങള്‍ അള്ളാഹുവിനോട് ചോദിക്കുന്ന ആവശ്യങ്ങള്‍ നല്‍കാനും നല്കാതിരിക്കാനും ഏല്‍പിക്കപ്പെട്ടത് ജിബ്‍രീല്‍ (അ) ആണെന്ന് ഹദീസില്‍ കാണാം. കൂടുതല്‍ അറിയാനും അത് അനുസരിച്ച് പ്രവര്‍ത്തിക്കാനും നാഥന്‍ തുണക്കട്ടെ.