ബാങ്കില് നിന്ന് വസ്തു പണയം വെച്ച് പലിശക്ക് പൈസ എടുത്തിട്ടുണ്ട് .. അതിന്റെ ഗൌരവത്തെ പറ്റി ബോധ്യമായത് ഇപ്പോഴാണ്.. ഇപ്പോഴും പലിശ അടച്ച് കൊണ്ടിരിക്കുന്നു.. അമലുകള് സ്വീകരിക്കപെടുമോ
ചോദ്യകർത്താവ്
അബ്ദുല് ഫത്താഹ് കോന്നി
Aug 25, 2016
CODE :
അല്ലാഹുവിന്റെ തിരുനാമത്തില്, അവനാണ് സര്വ്വസ്തുതിയും. അന്ത്യപ്രവാചകരുടെയും കുടുംബത്തിന്റെയും മേല് അല്ലാഹുവിന്റെ സ്വലാതും സലാമും വര്ഷിക്കുമാറാവട്ടെ.
ചെയ്ത തെറ്റിനു ആത്മാര്ത്ഥമായി തൌബ ചെയ്യുകയാണ് വേണ്ടത്. ദോശത്തില് നിന്ന് പൂര്ണ്ണമായും മാറി നില്ക്കലും ആ തെറ്റിലേക്ക് വീണ്ടും മടങ്ങില്ലെന്ന ദൃഢ നിശ്ചയവും തൌബ സ്വീകരിക്കാനുള്ള നിബന്ധനകളാണ്. പണയം വെച്ച് പലിശ കൊടുക്കുന്ന തെറ്റില് നിന്നു തൌബ ചെയ്യുമ്പോള് അതില് നിന്നു മാറി നില്ക്കണം. പക്ഷേ, പണയം വെക്കുകയും പിന്നീട് അതില് ഖേദം വരികയും പലിശ കൊടുക്കാതെ മാറി നില്ക്കാന് കഴിയാത്ത ഒരു ദുരവസ്ഥയിലെത്തുകയും പലിശയുടെ കെണിയില് നിന്നു എത്രയും പെട്ടെന്നു രക്ഷപ്പെടാനുള്ള സാധ്യമായ എല്ലാ മാര്ഗങ്ങളും ഉപയോഗപ്പെടുത്തുകയും ചെയ്യുന്നു വെങ്കില് അല്ലാഹു കാരുണ്യവാനും ഏറെ പൊറുക്കുന്നവനുമാണ്. അതിനാല് സ്വീകരിക്കപ്പെടുകയില്ലെന്ന നിരാശ നിമിത്തം തൌബ ഉപേക്ഷിക്കരുത്. അത്മാര്ത്തമായി ശരീഅതിന്റെ നിയമങ്ങള് പാലിച്ച് അമലുകള് ചെയ്യുക. ഇന് ശാഅല്ലാഹ് അള്ളാഹു സ്വീകരിക്കും. തെറ്റുകള് ചെയ്തത് കൊണ്ട് അമലുകള് സ്വീകരിക്കപ്പെടാതിരിക്കില്ല.
നന്മ കൊണ്ട് കല്പിക്കാനും തിന്മക്കെതിരെ ശബ്ദിക്കാനും നാഥന് തുണക്കട്ടെ.
