വാടസപ് ഗ്രൂപ്പില് സലാം പറഞ്ഞാല് മടക്കെണ്ടാതുണ്ടോ?
ചോദ്യകർത്താവ്
റിസ്വി
Aug 25, 2016
CODE :
അല്ലാഹുവിന്റെ തിരുനാമത്തില്, അവനാണ് സര്വ്വസ്തുതിയും, പ്രവാചകരുടെയും കുടുംബത്തിന്റെയും മേല് അല്ലാഹുവിന്റെ അനുഗ്രഹങ്ങള് വര്ഷിച്ചുകൊണ്ടിരിക്കട്ടെ.
സലാം എഴുതി അറിയിച്ചാല് അത് മടക്കല് നിര്ബന്ധമാണെന്ന് ഇമാം മുതവല്ലിയും വാഹിദിയും പറഞ്ഞതായി ഇമാം നവവി(റ) തങ്ങള് അദ്കാറില് രേഖപെ്പടുത്തിയിട്ടുണ്ട്. മെസ്സേജ്, ചാറ്റിങ് തുടങ്ങിയവയിലൂടെ സലാം പറയുന്നതും എഴുതി അറിയിക്കുന്നതു പോലെയാണ്. ഒരു കൂട്ടം ആളുകളോട് സലാം പറഞ്ഞാല് അതില് ഒരാള് മടക്കിയാല് മതി. അത് പോലെ വാട്ട്സ്ആപ്പ് ഗ്രൂപ്പില് സലാം പറഞ്ഞാല് അതില് ഒരാള് മടക്കിയാല് മതിയാവും.
ആരാധനാകര്മ്മങ്ങള് യഥാവിധി നിര്വ്വഹിക്കാന് നാഥന് തുണക്കട്ടെ.
