കൊറോണാ പോരാട്ടത്തിൽ യുഎഇക്ക് ഇന്ത്യയുടെ സഹായഹസ്തം: ഡോക്ടർമാരുടെ ആദ്യസംഘം ഉടൻ അയക്കും
.jpeg)
ഇന്ത്യ യുഎയിലേക്ക് ഡോക്ടർമാർ ഉടൻ അയക്കുമെന്ന വാർത്ത ഡല്‍ഹിയിലെ യു.എ.ഇ എംബസിയാണ് സ്ഥിരീകരിച്ചിരിക്കുന്നത്. ഇരുരാജ്യങ്ങളും തമ്മിലെ ഹൃദ്യമായ ബന്ധത്തിന് ഇന്ത്യ പുലര്‍ത്തുന്ന പ്രാമുഖ്യം വ്യക്തമാക്കുന്ന നടപടിയാണിതെന്നും യു.എ.ഇ സ്ഥാനപതി വ്യക്തമാക്കി.
അതേ സമയം ഇന്ത്യയുടെ സേവനത്തിന് പ്രത്യുപകാരമെന്നോണം ഏഴ് മെട്രിക് ടണ്‍ മെഡിക്കല്‍ സാമഗ്രികളടങ്ങുന്ന പ്രത്യേക വിമാനം യു.എ.ഇ ഇന്ത്യയിലേക്ക് അയച്ചു. 7000 ആരോഗ്യ പ്രവര്‍ത്തകര്‍ക്കാവശ്യമായ കിറ്റുകളും അനുബന്ധ ഉപകരണങ്ങളുമാണ് ഇന്ത്യയിലേക്ക് എത്തിച്ചതെന്ന് ഒൗദ്യോഗിക വാര്‍ത്താ ഏജന്‍സിയായ വാം വ്യക്തമാക്കി.
നേരത്തെ ഡോക്ടർമാരെ അയച്ചുതരാൻ അഭ്യർത്ഥിച്ച് മറ്റൊരു ഗൾഫ് രാഷ്ട്രമായ കുവൈത്ത് ഇന്ത്യയെ സമീപിച്ചിരുന്നു. ഇതേതുടർന്ന്, കുവൈത്തിലേക്ക് ഇന്ത്യ 15 അംഗ സൈനിക ഡോക്ടര്‍മാരെ പ്രത്യേക വിമാനത്തിൽ അയച്ച് കൊടുത്തിരുന്നു.
Leave A Comment