സൽമാൻ രാജാവിന്റെ സഹോദരൻ അന്തരിച്ചു
റിയാദ്: സല്‍മാന് രാജാവിന്റെ സഹോദരന്‍ അമീര്‍ മുത്ഇബ് ബിന്‍ അബ്ദുല്‍ അസീസ് നിര്യാതനായി. 88 വയസ്സായിരുന്നു. 1931ല്‍ റിയാദിലാണ് ജനനം. ഗവര്‍ണര്‍, മന്ത്രി പദവികള്‍ വഹിച്ചിട്ടുണ്ട്. 1951ല്‍ മക്ക ഗവര്‍ണറായിരുന്നു.
വൈദ്യുതി, ജലമന്ത്രിയും പൊതുമരാമത്ത്, ഭവന മന്ത്രിയുമായിരുന്നിട്ടുണ്ട്. 2003 മുതല്‍ 2009 വരെ മുനിസിപ്പല്‍ ഗ്രാമ മന്ത്രിയായും സേവനമനുഷ്ഠിച്ചിട്ടുണ്ട്. ചൊവ്വാഴ്ച ഇശാ നമസ്കാരശേഷം മക്ക മസ്ജിദുല്‍ ഹറാമില്‍ മയ്യിത്ത് നമസ്കാരം നടക്കുമെന്നും ശേഷം മക്കയില്‍ ഖബറടക്കുമെന്നും റോയല്‍ കോര്‍ട്ട് അറിയിച്ചു.
Leave A Comment