ഝാര്‍ഖണ്ഡ് ന്യൂനപക്ഷ ക്ഷേമകാര്യ വകുപ്പ് മന്ത്രി ഹാജി ഹുസൈന്‍ അന്തരിച്ചു
റാഞ്ചി: ഝാര്‍ഖണ്ഡിലെ ന്യൂനപക്ഷ ക്ഷേമകാര്യ വകുപ്പ് മന്ത്രി ഹാജി ഹുസൈന്‍ അന്‍സാരി അന്തരിച്ചു. 73 വയസായിരുന്നു. വെള്ളിയാഴ്ച കോവിഡ് ഫലം നെഗറ്റീവായതായി ഝാര്‍ഖണ്ഡ് മൂക്തി മോര്‍ച്ച വക്താവ് സുപ്രിയോ ഭട്ടാചാര്യ അറിയിച്ചിരുന്നു.
ഈ ജനുവരിയില്‍ ഹേമന്ദ് സോറന്‍റെ മന്ത്രിസഭയില്‍ ഉള്‍പെട്ടതോടെ രണ്ടാം തവണയും മന്ത്രിപദം ലഭിക്കുകയായിരുന്നു. കോവിഡ് ചികിത്സയുടെ ഭാഗമായി നേരത്തെ മെഡാന്‍റ ആശുപത്രിയില്‍ പ്രവേശിപ്പിച്ചിരുന്ന അന്‍സാരിക്ക് ശനിയാഴ്ച ശ്വാസകോശ സംബന്ധമായ ബുദ്ധിമുട്ടുകള്‍ അനുഭവപ്പെട്ടിരുന്നു.
അന്‍സാരിയുടെ നിര്യാണത്തിൽ അനുശോചനം രേഖപ്പെടുത്തിയ മുഖ്യമന്ത്രി ഹേമന്ദ് സോറന്‍ സംസ്ഥാന രൂപികരണത്തില്‍ സുപ്രധാന പങ്ക് വഹിച്ച നേതാവായിരുന്നു അദ്ദേഹമെന്ന് വ്യക്തമാക്കുകയും ചെയ്തു. 1947ല്‍ ദിയോഗര്‍ ജില്ലയിലെ പിപ്ര ഗ്രാമത്തില്‍ ജനിച്ച അന്‍സാരി 1995ലാണ് ആദ്യമായി നിയമസഭ സാമാജികനായത്. 2000, 2009, 2019 എന്നീ വര്‍ഷങ്ങളില്‍ വീണ്ടും നിയമസഭയിലെത്തി.
Leave A Comment