കോവിഡ് ബാധിച്ച്‌ മരിച്ചവരില്‍ മത കര്‍മങ്ങള്‍ നടത്താന്‍ അനുമതി നല്‍കണം, ഹൈകോടതിയില്‍ ഹരജി നൽകി
കൊച്ചി: മൃതദേഹത്തില്‍നിന്ന് കൊറോണ വൈറസ് പടരുമെന്ന് തെളിയിക്കപ്പെടാത്തതിനാൽ കോവിഡ് ബാധിച്ച്‌ മരിച്ചവരില്‍ മതാചാര പ്രകാരമുള്ള കര്‍മങ്ങള്‍ നടത്താന്‍ അനുമതി നല്‍കണമെന്ന് ആവശ്യപ്പെട്ട് ഹൈകോടതിയില്‍ ഹരജി. ഇസ്ലാമിക നിയമപ്രകാരമുള്ള കര്‍മങ്ങള്‍ പാലിച്ച്‌
മയ്യിത്ത് പരിപാലനവും ഖബറടക്കവും നടത്താന്‍ മാര്‍ഗനിര്‍ദേശങ്ങള്‍ പുറപ്പെടുവിക്കാന്‍ സര്‍ക്കാറുകള്‍ക്ക് നിര്‍ദേശം നല്‍കണമെന്നതടക്കം ആവശ്യപ്പെട്ട് മലപ്പുറം മേല്‍മുറി സ്വദേശി മെഹബൂബാണ് ഹരജി നല്‍കിയിരിക്കുന്നത്.
കേരള മുസ്ലിം കള്‍ചറല്‍ സെന്‍റര്‍ നേതാവ് കെ.കെ. മുഹമ്മദ് ഹലീം നല്‍കിയ സമാന ഹരജിക്കൊപ്പം പരിഗണിക്കാന്‍ ഇതുമാറ്റി. വെള്ളിയാഴ്ച ഇവ പരിഗണനക്കെത്തും. നേരത്തെ മതപരമായ നിയമങ്ങൾക്കനുസൃതമായി മയ്യിത്ത് പരിപാലനത്തിന് അനുമതി നൽകണമെന്ന് സമസ്ത അടക്കമുള്ള മത സംഘടനകൾ ആവശ്യപ്പെട്ടിരുന്നു.
Leave A Comment