ഫലസ്തീനിയാണെന്ന പേരിൽ പോസ്റ്റ് നീക്കം ചെയ്തതിൽ ഇൻസ്റ്റഗ്രാം മാപ്പ് പറഞ്ഞു
ന്യൂയോര്‍ക്ക്: ഞാന്‍ ഫലസ്തീനി ആയതില്‍ അഭിമാനിക്കുന്നു' എന്ന കുറിപ്പോടെയുള്ള പോസ്റ്റ്
നീക്കിയതിൽ ഇൻസ്റ്റഗ്രാം മാപ്പ് പറഞ്ഞു.
ബെല്ല ഹദീദിന്‍റെ പിതാവ് മുഹമ്മദ് അന്‍വര്‍ ഹദീദിന്‍റെ പാസ്പോര്‍ട്ട് ഷെയര്‍ ചെയ്തതാണ് ഇന്‍സ്റ്റഗ്രാം നീക്കിയിരുന്നത്. മുഹമ്മദ് അന്‍വറിന്റെ ജന്മ സ്ഥലം ഫലസ്തീനാണെന്ന് വ്യക്തമാക്കുന്ന 'ഞാന്‍ ഫലസ്തീനി ആയതില്‍ അഭിമാനിക്കുന്നു' എന്ന കുറിപ്പോടെയുള്ള പോസ്റ്റാണ് ഇന്‍സ്റ്റഗ്രാം നീക്കിയത്.
ഇതിനെ ബെല്ല കടുത്ത ഭാഷയില്‍ വിമര്‍ശിച്ചതോടെയാണ് സമൂഹ മാധ്യമം ക്ഷമാപണവുമായി എത്തിയത്.
'സ്വകാര്യത മാനിക്കാനായി ഞങ്ങള്‍ വ്യക്തി വിവരങ്ങള്‍ പോസ്റ്റ് ചെയ്യാന്‍ അനുവദിക്കാറില്ല. വ്യക്തി വിവരങ്ങളുള്ള പാസ്പോര്‍ട്ട് ഷെയര്‍ ചെയ്തതിനാലാണ് ഡിലീറ്റ് ചെയ്തത്. എന്നാല്‍, ഇതില്‍ പാസ്പോര്‍ട്ട് നമ്പര്‍ വ്യക്തമായി കാണുന്നില്ല. അതുകൊണ്ടു തന്നെ ഇത് ഡിലീറ്റ് ചെയ്യപ്പെടേണ്ടതുമല്ല. ഞങ്ങള്‍ പോസ്റ്റ് റീസ്റ്റോര്‍ ചെയ്തിട്ടുണ്ട്. തെറ്റു പറ്റിയതില്‍ ബെല്ലയോട് മാപ്പു ചോദിച്ചു''- ഇന്‍സ്റ്റഗ്രാം വക്താവ് പ്രതികരിച്ചു. വിഷയത്തിൽ രൂക്ഷവിമർശനം നടത്തിയ ബെല്ല ചോദിച്ചത് ഇപ്രകാരമായിരുന്നു. '' ഒരു ഫലസ്തീനി ആയിരിക്കാന്‍ ഇന്‍സ്റ്റഗ്രാമില്‍ അനുവാദമില്ലേ? ജന്മസ്ഥലം ഫലസ്തീനാണെന്നു തെളിയിക്കുന്ന എന്‍റെ പിതാവിന്‍റെ അമേരിക്കന്‍ പാസ്പോര്‍ട്ട് മാത്രമാണ് ഞാന്‍ പോസ്റ്റ് ചെയ്തത്'' -ബെല്ല പറഞ്ഞു.
.jpg)
Leave A Comment