ആസ്സാമിൽ സര്‍ക്കാര്‍ നിയന്ത്രണത്തില്‍ പ്രവര്‍ത്തിക്കുന്ന മദ്റസകൾ നിർത്തലാക്കുന്നു.
ബോഡോലാന്‍ഡ് പ്രവിശ്യ തെരഞ്ഞെടുപ്പും അടുത്തവര്‍ഷം നിയമസഭ തെരഞ്ഞെടുപ്പും വരാനിരിക്കെയാണ് വംശീയ-ഭാഷാ സംഘര്‍ഷങ്ങളുടെ മുള്‍മുനയില്‍ നില്‍ക്കുന്ന സംസ്ഥാനത്ത് മദ്റസ പൂട്ടല്‍ നടപടിയുമായി സര്‍ക്കാര്‍ മുന്നോട്ടുവരുന്നത്. സര്‍ക്കാര്‍ നിയന്ത്രണത്തിലെ മദ്റസകളും ആശ്രമങ്ങളും അടപ്പിച്ച്‌ അവയെ പൊതുവിദ്യാലയങ്ങളാക്കി മാറ്റിയെടുക്കാന്‍ ഈ വര്‍ഷത്തിന്‍റെ തുടക്കത്തില്‍ നീക്കമുണ്ടായിരുന്നുവെങ്കിലും പിന്നീട് സംസ്കൃത വിദ്യാലയങ്ങളുടെ കാര്യത്തില്‍ നിലപാട് മാറ്റുകയായിരുന്നു. രണ്ടുവര്‍ഷം മുമ്പ് സംസ്ഥാന മദ്റസ വിദ്യാഭ്യാസ ബോര്‍ഡും സംസ്കൃത ബോര്‍ഡും നിര്‍ത്തലാക്കി മദ്റസകള് സെക്കന്‍ഡറി വിദ്യാഭ്യാസ ബോര്‍ഡിനു കീഴിലും ആശ്രമങ്ങള്‍ കുമാര്‍ ഭാസ്കര്‍ വര്‍മ സംസ്കൃത പൈതൃക സര്‍വകലാശാലക്കു കീഴിലും കൊണ്ടുവന്ന് അവിടങ്ങളില്‍ ആധുനിക പാഠ്യപദ്ധതി ആരംഭിക്കാനും തീരുമാനിച്ചിരുന്നു. ബിജെപി മന്ത്രിയുടെ പ്രസ്താവനക്കെതിരെ പ്രമുഖ പ്രതിപക്ഷ കക്ഷികൾ രംഗത്തെത്തി. തെരഞ്ഞെടുപ്പിനുശേഷം അധികാരത്തില്‍ വന്നാലുടന്‍ അടച്ചുപൂട്ടുന്ന മദ്റസകള് തുറക്കാന്‍ നടപടി സ്വീകരിക്കുമെന്ന് ഓള്‍ ഇന്ത്യ യുനൈറ്റഡ് ഡമോക്രാറ്റിക് ഫ്രണ്ട് (എ.ഐ.യു.ഡി.എഫ്) മേധാവി ബദ്റുദ്ദീന്‍ അജ്മല്‍ എം.പി വ്യക്തമാക്കി
Leave A Comment