പ്രവാസികളെ എത്രയും പെട്ടെന്ന് നാട്ടിലെത്തിച്ച് ചികിത്സ ലഭ്യമാക്കാൻ സർക്കാരുകൾ നടപടി സ്വീകരിക്കണമെന്ന് ജിഫ്‌രി തങ്ങൾ
.jpeg)
ഗൾഫ് രാജ്യങ്ങളിൽ ഉൾപ്പെടെ ജോലി ചെയ്യുന്ന ഇന്ത്യക്കാരിൽ വലിയൊരു വിഭാഗം മലയാളികൾ ആണ്. പ്രളയം ഉൾപ്പെടെയുള്ള ദുരന്തങ്ങൾ സംഭവിച്ചാൽ നാടിനെ താങ്ങി നിർത്തിയത് പ്രവാസികൾ ആണെന്നും ഈ ഘട്ടത്തിൽ അവരെ തിരിച്ചുകൊണ്ടുവന്നു മികച്ച ചികിത്സ നൽകേണ്ടത് നമ്മുടെ ബാധ്യതയാണെന്നും തങ്ങൾ പറഞ്ഞു. മറ്റു പല രാജ്യങ്ങളും അവരുടെ പൗരന്മാരെ നാട്ടിലേക്ക് കൊണ്ടുവരാനുള്ള നടപടികൾ സ്വീകരിക്കുമ്പോൾ നമ്മുടെ സർക്കാറുകൾ ഇത്തരത്തിലുള്ള നടപടികളൊന്നും ഇതുവരെ ആരംഭിച്ചിട്ടില്ലെന്നത് ഏറെ നിർഭാഗ്യകരമാണെന്നും തങ്ങൾ കുറ്റപ്പെടുത്തി.
ഗൾഫ് രാജ്യങ്ങൾ തങ്ങളുടെ പൗരന്മാർക്കാണ് ചികിത്സയിൽ മുൻഗണന നൽകുന്നതെന്നും രോഗബാധ സ്ഥിരീകരിച്ച ശേഷവും ചികിത്സിക്കാനുള്ള കിടക്കകളും സൗകര്യവുമില്ലാത്തതിനാൽ തൊഴിലാളികളോട് അവരുടെ താമസ സ്ഥലത്ത് തന്നെ തുടരാൻ ആവശ്യപ്പെടുന്നുണ്ടെന്നുമുള്ള വാർത്തകൾ പുറത്തുവന്നിരുന്നു.
Leave A Comment