വിവാഹത്തിനായി പത്ത് ദിവസത്തെ ജാമ്യത്തിൽ ഇശ്റത് ജഹാൻ ജയിലിൽ നിന്നിറങ്ങി
.jpeg)
കോടതി കനിഞ്ഞു നല്‍കിയ 10 ദിവസത്തെ ജാമ്യംകൊണ്ട് വെള്ളിയാഴ്ച മംഗല്യവും ഒരാഴ്ചകൊണ്ട് മധുവിധുവും തീര്‍ത്ത് വീണ്ടും തിഹാര്‍ ജയിലിലേക്കു തിരിച്ചുപോകും. ജാമിഅ നഗറിലെ ബിസിനസുകാരനാണ് വരന്‍. ഡല്‍ഹിയിലെ അഭിഭാഷക കൂടിയായ വനിത കോണ്‍ഗ്രസ് നേതാവ് ഇശ്റത് ജഹാന് വിവാഹിതയാകാന്‍ 30 ദിവസത്തെ ജാമ്യമാണ് ചോദിച്ചിരുന്നതെങ്കിലും അഡീഷനല്‍ സെഷന്‍സ് ജഡ്ജി കേവലം 10 ദിവസങ്ങൾ മാത്രമാണ് അനുവദിച്ചത്.
ഒരു ലക്ഷം രൂപയുടെ രണ്ടു ബോണ്ട് ജാമ്യത്തില്‍ ജൂണ്‍ 10 മുതല്‍ 19 വരെയാണ് ജാമ്യം. വടക്കുകിഴക്കന്‍ ഡല്‍ഹിയില്‍ വിവാദ പൗരത്വ ഭേദഗതി നിയമത്തിനെതിരെ ശാഹീന്‍ബാഗ് മാതൃകയില്‍ വനിതകളെ സംഘടിപ്പിച്ചതാണ് ഇശ്റതിനെ ഭരണകൂടത്തിന്റെ കണ്ണിൽ അപകടകാരിയാക്കിയത്. ഇതിന്റെ പേരിൽ ഇശ്റത്തിനോട് പ്രതികാര നടപടിയെന്ന നിലയിലായിരുന്നു അറസ്റ്റ്.
Leave A Comment