പള്ളികളിലെ ബാങ്ക് നിരോധിക്കണമെന്ന ആവശ്യം തള്ളി അലഹാബാദ് ഹൈക്കോടതിയുടെ വിധി
.jpeg)
അലഹാബാദ്: കൊറോണ വൈറസ് വ്യാപനം തടയുന്നതിന് നടപ്പിലാക്കിയ ലോക്ഡൗണിന്റെ ഭാഗമായി ഉത്തര്‍പ്രദേശിലെ ഖാസിപൂര്‍, ഫറൂഖാബാദ്, തുടങ്ങിയ ജില്ലകളിലെ മുസ്ലിം പള്ളികളില്‍ ബാങ്ക്വിളി നിരോധിക്കണമെന്ന ജില്ലാ അധികൃതരുടെ ആവശ്യം അലഹാബാദ് ഹൈക്കോടതി തള്ളി.
ബാങ്കുവിളി ഇസ്ലാമിന്‍റെ അവിഭാജ്യ ഘടകമാണെന്ന് പറഞ്ഞ കോടതി മൈക്കോ ലൗഡ്‌സ്പീക്കറോ ഉപയോഗിക്കാതെ ബാങ്ക് വിളിക്കുന്നത് സംസ്ഥാനത്തെ കോവിഡ് മാര്‍ഗ നിര്‍ദേശങ്ങളെ ബാധിക്കുന്നില്ലെന്നും അഭിപ്രായപ്പെട്ടു. ഖാസിപൂര്‍ ജില്ലയിലെ ബാങ്ക് വിളി നിരോധനം നീക്കണമെന്ന് ആവശ്യപ്പെട്ട് ബി.എസ്.പി എം.പി അഫ്‌സല്‍ അന്‍സാരിയാണ് കോടതിയെ സമീപിച്ചത്. ജില്ലാ ഭരണകൂടത്തിന്‍റെ അനുമതിയില്ലാതെ ലൗഡ്സ്പീക്കര്‍, ആംപ്ലിഫയര്‍ എന്നിവ ഉപയോഗിക്കരുതെന്നും കോടതി അറിയിച്ചിട്ടുണ്ട്.
Leave A Comment