ഇസ്രായേലുമായുമുള്ള എല്ലാ കരാറുകളും അസാധുവാക്കി ഫലസ്തീന്‍
.jpeg)
ജറൂസലം: അധിനിവിഷ്ട വെസ്റ്റ്ബാങ്കിന്‍റെ ഭാഗങ്ങള്‍ കൂട്ടിച്ചേര്‍ക്കുമെന്ന ഇസ്രായേല്‍ പ്രഖ്യാപനത്താന് കടുത്ത മറുപടി നൽകി ഫലസ്തീൻ.
യു.എസുമായും ഇസ്രായേലുമായും ഒപ്പുവെച്ച എല്ലാ കരാറുകളും നിയമപരമായി അസാധുവാണെന്ന് ഫലസ്തീന്‍ പ്രസിഡന്‍റ് മഹ്മൂദ് അബ്ബാസ് പ്രഖ്യാപിച്ചു. ഫലസ്തീൻ വാര്‍ത്ത ഏജന്‍സി വഫ ആണ് ഇക്കാര്യം റിപ്പോര്‍ട്ട് ചെയ്തത്.
ഇസ്രായേലിന്‍റെ പദ്ധതികളെ കുറിച്ച്‌ ചര്‍ച്ച ചെയ്യാന്‍ റാമല്ലയില്‍ ചേര്‍ന്ന യോഗത്തിലായിരുന്നു അബ്ബാസിന്‍റെ പ്രഖ്യാപനം. അമേരിക്കയും ഇസ്രായേലും ചേര്‍ന്നുണ്ടാക്കിയ എല്ലാ ധാരണകളും കരാറുകളും ഫലസ്തീന്‍ ലിബറേഷന്‍ ഓര്‍ഗനൈസേഷന്‍ തള്ളിക്കളയുന്നതായി അദ്ദേഹം പറഞ്ഞു.
ദ്വിരാഷ്ട്ര പരിഹാര ഫോര്‍മുല അംഗീകരിക്കുന്ന പക്ഷം സംഘര്‍ഷം അവസാനിപ്പിക്കാന്‍ ഇസ്രായേലുമായി സന്ധിക്ക് തയാറാണെന്നും അദ്ദേഹം വ്യക്തമാക്കി. യു.എസ് പ്രസിഡന്‍റ് ഡോണാള്‍ഡ് ട്രംപ് പശ്ചിമേഷ്യന്‍ സമാധാന പദ്ധതി പ്രഖ്യാപിച്ചതിനു പിന്നാലെ കഴിഞ്ഞ ഫെബ്രുവരിയില്‍ തന്നെ കരാറുകളില്‍ നിന്ന് പിന്‍വാങ്ങുമെന്ന് അബ്ബാസ് വ്യക്തമാക്കിയിരുന്നു.
Leave A Comment