തബ്ലീഗ് ജമാഅത്തിനെതിരെയുള്ള കേസ്: അറസ്റ്റിലായിരുന്ന 20 വിദേശികളെ മുംബൈ കോടതി കുറ്റവിമുക്തരാക്കി
"സംശയത്തിന്റെ നിഴലിനപ്പുറം പ്രതികള്‍ നടത്തിയ നിയമ ലംഘനത്തിന് പ്രോസിക്യൂഷന്റെ പക്കല്‍ തെളിവുകളില്ല.ബോംബെ പൊലീസ് നിയമത്തിലെ 37-ാം വകുപ്പ് പ്രകാരം കുറ്റാരോപിതര്‍ നിയമം ലംഘിച്ചതിനും തെളിവുകളില്ല." അന്ധേരി കോടതിയിലെ മജിസ്‌ട്രേറ്റ് ആര്‍.ആര്‍.ഖാന്‍ ഉത്തരവില്‍ പറഞ്ഞു. ഇന്ത്യന്‍ ശിക്ഷ നിയമത്തിലെ 269, 270 പ്രകാരം വിദേശ നിയമം, പകര്‍ച്ചവ്യാധി നിയമം, ദുരന്ത നിവാരണ നിയമം എന്നി വകുപ്പുകള്‍ ചുമത്തിയാണ് തബ്ലീഗ് ജമാഅത്തില്‍ പങ്കെടുത്തവര്‍ക്കെതിരെ പൊലീസ് കേസെടുത്തിരുന്നത്.
എന്നാല്‍ പൊലീസ് ഹാജരാക്കിയ തെളിവുകളുടെ അടിസ്ഥാനത്തില്‍ ഇവര്‍ ലോക്ക്ഡൗണ്‍ ലംഘിച്ചെന്ന് കണ്ടെത്താനായിട്ടില്ലെന്നും കോടതി പറഞ്ഞു. പ്രതികള്‍ ഒത്തുകൂടി നിയമം ലംഘിക്കുന്നത് കണ്ടിട്ടില്ലെന്ന സാക്ഷിമൊഴികളുടെ അടിസ്ഥാനത്തിലാണ് ഇവര്‍ കുറ്റക്കാരല്ലെന്ന് കോടതി വിലയിരുത്തിയത്.
Leave A Comment