പൗരത്വ ഭേദഗതി ബില്ലിനെതിരെ പ്രമേയം പാസാക്കാൻ രാജസ്ഥാനും
ജയ്പൂര്‍: പൗരത്വ ഭേദഗതി നിയമത്തിനെതിരെ പഞ്ചാബും കേരളവും പ്രമേയം പാസാക്കിയതിനെ തുടർന്ന്
കൂടുതൽ ബിജെപി ഇതര സംസ്ഥാനങ്ങൾ പ്രമേയം പാസാക്കാൻ മുന്നോട്ട് വരുന്നു.
കോൺഗ്രസ് ഭരിക്കുന്ന രാജസ്ഥാന്‍ നിയമസഭ പ്രമേയം കൊണ്ടുവരുമെന്ന് ഉപമുഖ്യമന്ത്രി സച്ചിന്‍ പൈലറ്റ് വ്യക്തമാക്കി.
നിയമം പുനഃപരിശോധിക്കണമെന്നാണ് കേന്ദ്രസര്‍ക്കാറിനോട് ആവശ്യപ്പെടാനുള്ളത്. വിയോജിക്കാനുള്ള അവകാശം ഭരണഘടന നല്‍കുന്നുണ്ട്. എന്നാല്‍ അങ്ങനെ ചെയ്യുന്നവരെ ആക്രമിക്കുകയും ദേശവിരുദ്ധരെന്ന് മുദ്ര കുത്തുകയുമാണ് ചെയ്യുന്നതെന്നും ചർച്ചകള്‍ ഇല്ലാതായാല്‍ ജനാധിപത്യം ദുര്‍ബലമാകുമെന്നും അദ്ദേഹം ചൂണ്ടിക്കാട്ടി.
എൽ ഡി എഫ് ഭരിക്കുന്ന കേരളത്തിലാണ് ഐക്യകണ്ഠേന പൗരത്വഭേദഗതി ബില്ലിനെതിരെ പ്രമേയം പാസാക്കിയത്. കേരളത്തെ മാതൃകയാക്കി പഞ്ചാബും പ്രമേയം പാസാക്കുകയായിരുന്നു.
Leave A Comment