കലാപ പ്രദേശങ്ങളിൽ സന്ദർശനം നടത്താൻ മുസ്‌ലിം ലീഗ് സംഘം
.jpeg)
മലപ്പുറം: പൗരത്വ ഭേദഗതി നിയമത്തിനെതിരെ പ്രതിഷേധിക്കുന്ന സമരക്കാർക്ക് നേരെ സംഘ്പരിവാർ അഴിച്ചുവിട്ട കലാപം അതിരൂക്ഷമായി തുടരുന്നതിനിടെ കലാപം നടന്ന പ്രദേശങ്ങള്‍ മുസ്‌ലിം ലീഗ് സംഘം സന്ദർശിക്കുന്നു.
പാര്‍ട്ടി ദേശീയ ജനറല്‍ സെക്രട്ടറിയും എംപിയുമായ പി.കെ. കുഞ്ഞാലിക്കുട്ടി, പാർട്ടി എംപിയായ ഇ.ടി മുഹമ്മദ് ബഷീർ, അബ്ദുൽ വഹാബ് എംപി എന്നിവരുടെ നേതൃത്വത്തിലാണ് ലീഗ് സംഘം കലാപ മേഖലകള്‍ സന്ദര്‍ശിക്കുന്നത്.
ഗുജറാത്ത് മോഡല്‍ കലാപം നടത്താനുള്ള പദ്ധതിയാണ് ബിജെപി ആസൂത്രണം ചെയ്യുന്നതെന്നും കലാപം സൃഷ്ടിച്ചെടുത്തതാണെന്നും കുഞ്ഞാലിക്കുട്ടി ആരോപിച്ചു. കേന്ദ്ര ആഭ്യന്തരമന്ത്രി അമിത് ഷായെ കാണാനും സ്ഥിതിഗതികൾ അറിയിക്കാനും സംഘം തീരുമാനിച്ചിട്ടുണ്ട്.
Leave A Comment