അസർബൈജാന്റെ നിർണായക നീക്കം:അര്‍മീനിയൻ നിയന്ത്രണത്തിലുള്ള കൽബജാറിലേക്ക് പ്രവേശിച്ച് സൈന്യം
ബകു: അർമീനിയ- അസർബൈജാൻ കരാർ പ്രകാരം അര്‍മേനിയന്‍ സൈന്യത്തിന്റെ നിയന്ത്രണത്തിലുള്ള കല്‍ബജാര്‍ മേഖലയിലേക്ക് അസര്ബൈജാന് സൈന്യം പ്രവേശിച്ചു തുടങ്ങി.
ഇരു രാജ്യങ്ങളും തമ്മിലുള്ള കരാര്‍ പ്രകാരം നവംബര്‍ 15 മുതല്‍ തന്നെ കല്‍ബജാര്‍ അസര്ബൈജാന് കൈമാറണമായിരുന്നു. എന്നാല്‍, മോശം കാലാവസ്ഥ ചൂണ്ടിക്കാട്ടി സൈന്യത്തിന്റെ പിന്മാറ്റത്തിനും സാധാരണക്കാരുടെ പുനരധിവാസത്തിനും അര്‍മേനിയ കൂടുതല്‍ സമയം ചോദിച്ചിരുന്നു. അതിനിടെയാണ് അസര്‍ബൈജാന്റെ നീക്കം.
അര്‍മീനിയ കൈയടക്കിവെച്ചിരുന്ന നഗോര്‍ണോ-കരോബാഗ് പ്രദേശത്തെ ചൊല്ലി ഈയിടെ ഇരു രാജ്യങ്ങളും തമ്മില്‍ രൂക്ഷമായ ഏറ്റുമുട്ടല്‍ നടന്നിരുന്നു. ഒടുവിൽ റഷ്യയുടെ മധ്യസ്ഥതയിൽ ഇരു രാജ്യങ്ങളും വെടിനിർത്തൽ പ്രഖ്യാപിക്കുകയായിരുന്നു. നേരത്തെ യുദ്ധം പൊട്ടിപ്പുറപ്പെട്ടപ്പോൾ അസർബൈജാന് ശക്തമായ പിന്തുണ നൽകി തുർക്കി രംഗത്തെത്തിയിരുന്നു. എന്നാൽ സമാധാന കരാർ തുർക്കി സ്വാഗതം ചെയ്തിരുന്നു.
Leave A Comment