പൗരത്വ സമര നായിക ഇശ്റത്ത് ജഹാന് വിവാഹത്തിനായി ജാമ്യം
ന്യൂഡല്‍ഹി: പൗരത്വ സമരത്തില്‍ പങ്കെടുത്തതിന് യു.എ.പി.എ ചുമത്തി ജയിലിലടച്ച ഡല്‍ഹിയിലെ അഭിഭാഷകയും വനിതാ കോണ്‍ഗ്രസ് നേതാവുമായ ഇശ്റത്ത് ജഹാന് വിവാഹിതയാകുന്നതിനായി ഡല്‍ഹി കോടതി 10 ദിവസം ജാമ്യം അനുവദിച്ചു. ലക്ഷം രൂപയുടെ രണ്ട് ബോണ്ട് ജാമ്യത്തില്‍ ജൂണ്‍ 10 മുതല്‍ 19 വരെയാണ് ജാമ്യം.
വടക്കുകിഴക്കന്‍ ഡല്‍ഹിയില്‍ ശാഹീന്‍ബാഗ് മാതൃകയിൽ വനിതകൾക്ക് സമര നേതൃത്വം നൽകിയതിനാണ് ഡല്‍ഹി പൊലീസ് അറസ്റ്റ് ചെയ്തത്. ഡല്‍ഹി വംശഹത്യയില്‍ ആക്രമണത്തിനിരയായ ഇശ്റത്തിനെ പ്രതിയാക്കി യു.എ.പി.എ ചുമത്തിയിട്ടുണ്ട്. ഇശ്റത്ത് ജഹാനോടൊപ്പം മറ്റൊരു പൗരത്വ സമര നേതാവ് ഖാലിദ് സൈഫിയെയും വടക്കു കിഴക്കന്‍ ഡല്‍ഹിയില്‍നിന്ന് അറസ്റ്റ് ചെയ്തിരുന്നു.
2020 ജൂണ്‍ 12ന് വിവാഹം നടത്താന്‍ 2018ല്‍ നിശ്ചയിച്ചതാണെന്ന് ഇശ്റത്ത് ജഹാന് വേണ്ടി ഹാജരായ അഭിഭാഷകന്‍ എസ്.കെ. ശര്‍മ ബോധിപ്പിച്ചു. കേസില്‍ ഇശ്റത്ത് ജഹാനെ അന്യായമായി കുടുക്കിയതാണെന്നും ജാമ്യാപേക്ഷയില്‍ ബോധിപ്പിച്ചിരുന്നു.
Leave A Comment