ഫ്രാന്‍സിലെ ഭീകരാക്രമണം അപലപനീയം, എന്നാൽ ആവിഷ്കാര സ്വാതന്ത്ര്യത്തിനും പരിധിയുണ്ട്-കനേഡിയൻ പ്രസിഡന്റ്
ഒട്ടാവ: പ്രവാചകൻ മുഹമ്മദ് നബിയെ അപകീർത്തിപ്പെടുത്തുന്ന കാര്‍ട്ടൂണിനെ പിന്തുണച്ച് പ്രസ്താവന നടത്തിയതിനെ തുടർന്ന് ഫ്രഞ്ച് പ്രസിഡന്റ് ഇമ്മാനുവേൽ മക്രോണിനെതിരെ ലോകത്തുടനീളം ശക്തമായ പ്രതിഷേധം അലയടിക്കുന്നതിനിടെ
വിഷയത്തിൽ പ്രതികരണവുമായി കനേഡിയന്‍ പ്രസിഡന്റ് ജസ്റ്റിന്‍ ട്രൂഡോ.
ഫ്രാന്‍സിലെ ഭീകരാക്രമണം അപലപനീയമെങ്കിലും ആവിഷ്കാര സ്വാതന്ത്ര്യത്തിനും പരിധിയുണ്ടെന്ന് ഷാര്‍ലി ഹെബ്ദോ മാഗസിനിലെ പ്രവാചകന്‍റെ കാര്‍ട്ടൂണിനെക്കുറിച്ചുള്ള ചോദ്യത്തിന് മറുപടി പറയവേ ട്രൂഡോ നിലപാട് വ്യക്തമാക്കി.
''ആവിഷ്കാര സ്വാതന്ത്ര്യത്തിന് വേണ്ടി നമ്മള്‍ നിലകൊള്ളുന്നുണ്ട്. പക്ഷേ അതിനും പരിധിയുണ്ടെന്ന് ഓര്‍ക്കണം. ആളുകള്‍ തിങ്ങിക്കൂടിയ ഒരു സിനിമ തീയേറ്ററിനുള്ളില്‍ തീയിടാന്‍ നമുക്ക് അവകാശമില്ല'' ''ബഹുസ്വരവും വൈവിധ്യപൂര്‍ണവുമായ സമൂഹത്തില്‍ നമ്മുടെ വാക്കുകളും പ്രവൃത്തികളും മറ്റുള്ളവരെ വേദനിപ്പിക്കാതിരിക്കാന്‍ ശ്രദ്ധിക്കേണ്ടതുണ്ട്. പ്രത്യേകിച്ചും നിലവില്‍ തന്നെ വലിയ വിവേചനം നേരിടുന്ന ജനങ്ങള്‍ക്കും സമൂഹങ്ങള്‍ക്കുമെതിരെ പ്രയോഗിക്കുമ്പോള്‍'' -ട്രൂഡോ അഭിപ്രായപ്പെട്ടു "ആക്രമണം നീതീകരിക്കാനാവാത്തതാണ്, അതുകൊണ്ടുതന്നെ ഫ്രഞ്ച് സഹോദരങ്ങളുടെ ബുദ്ധിമുട്ടേറിയ സമയത്ത് കാനഡ കൂടെനില്‍ക്കുന്നു", ട്രൂഡോ അറിയിച്ചു.
Leave A Comment