Islamonweb

അല്ലാഹുവിന്റെ തിരുനാമത്തില്‍, അവനാണ് സര്‍വ്വസ്തുതിയും, പ്രവാചകരുടെയും കുടുംബത്തിന്റെയും മേല്‍ അല്ലാഹുവിന്റെ അനുഗ്രഹങ്ങള്‍ വര്‍ഷിച്ചുകൊണ്ടിരിക്കട്ടെ. ഈ വിഷയത്തില്‍ വന്ന ഹദീസ് മുന്കറാണെന്നാണ് ഹദീസ് പണ്ഡിതന്മാര്‍ പറഞ്ഞിട്ടുള്ളത്. എന്നാല്‍ റമദാനിന്റെ ഫദീലതിലാണ് ഈ ഹദീസ് പറയപ്പെട്ടെതെന്നതിനാല്‍ അതനുസരിച്ച് പ്രവര്‍തിക്കാവുന്നതാണ്. ഇബാദതില്‍ താല‍്‍പര്യമുണ്ടാവാന്‍ ഇത്തരം ഹദീസുകള്‍ തന്നെ മതിയെന്ന് പണ്ഡിതന്മാരഭിപ്രായപ്പട്ടിട്ടുണ്ട്. ഈ ഹദീസിനെ ആധാരമാക്കി ധാരാളം പണ്ഡിതന്മാര്‍ റമളാനിനെ ഇങ്ങനെ വിഭജനം നടത്തുകയും അതില്‍ റഹ്മതും മഗ്ഫിറതും ഇത്ഖും ചോദിക്കാന്‍ പ്രേരിപ്പിക്കുകയും ചെയ്തിട്ടുണ്ട്. എന്നാല്‍ റമദാന്‍ മുഴുവനും റഹ്മതിന്റെയും മഗ്ഫിറതിന്റെയും ഇത്ഖിന്റെയും ദിനങ്ങളാണ്. ഈ പത്തുകളില്‍ മാത്രം അവ ചോദിക്കുന്നതിന് പകരം റമദാനിലെ എല്ലാ ദിനങ്ങളിലും അവ ചോദിക്കുന്നതില്‍ അശ്രദ്ധ കാണിക്കരുത്. പ്രസ്തുത പത്തുകളില്‍ അവ പ്രത്യേകം ചോദിക്കണം. കൂടുതല്‍ അറിയാനും അത് അനുസരിച്ച് പ്രവര്‍ത്തിക്കാനും നാഥന്‍ തുണക്കട്ടെ.