Islamonweb

അല്ലാഹുവിന്റെ തിരുനാമത്തില്‍, അവനാണ് സര്‍വ്വസ്തുതിയും, പ്രവാചകരുടെയും കുടുംബത്തിന്റെയും മേല്‍ അല്ലാഹുവിന്റെ അനുഗ്രഹങ്ങള്‍ വര്‍ഷിച്ചുകൊണ്ടിരിക്കട്ടെ. ആരാധനകള്‍ ശരിയാവാന്‍ നിസ്കരിക്കുന്നവന്‍റെ ധാരണയും യാഥാര്‍ത്ഥ്യവും ശരിയായിരിക്കണം. അല്ലാത്ത വിധം നടക്കുന്ന ആരാധനകളൊക്കെ അസാധുവും ബോധ്യം വരുന്ന സമയത്ത് മടക്കേണ്ടതുമാണ്. സമയം ആയെന്ന് ഉറപ്പോ ധാരണയോ (ഏകദേശ ഉറപ്പ്) ഇല്ലാതെ ഒരാള്‍ നിസ്കരിക്കുകയും പിന്നീട്, ആ നിസ്കാരം യഥാര്‍ത്ഥ സമയത്ത് തന്നെയാണ് സംഭവിച്ചത് എന്ന് വ്യക്തമായാല്‍ പോലും ആ നിസ്കാരം ശരിയാവില്ലെന്നതാണ് നിയമം. എന്നത് പോലെ, ഔറത് മറക്കുന്നിടത്തും അതു തന്നെയാണ് നിയമം. ഔറത് വേണ്ട വിധം മറയാതെ, മറഞ്ഞിട്ടുണ്ടെന്ന് ധരിച്ച് നിസ്കരിച്ചാല്‍ ആ നിസ്കാരം സാധുവല്ല. ശേഷം വസ്ത്രത്തിലെ കീറല്‍ ശ്രദ്ധയില്‍ പെടുന്ന സമയത്ത്, അതുടുത്ത് നിസ്കരിച്ചിരിക്കാന്‍ സാധ്യതയുള്ള എല്ലാ നിസ്കാരങ്ങളും മടക്കി നിസ്കരിക്കേണ്ടതാണ്. കൂടുതല്‍ അറിയാനും അത് അനുസരിച്ച് പ്രവര്‍ത്തിക്കാനും നാഥന്‍ തുണക്കട്ടെ.