ബിസിനസ്സ് ആവശ്യങ്ങള്‍ക്കോ അല്ലാതെയോ വീട്ടില്‍ ആനയെ വാങ്ങാന്‍ കഴിയുമോ? അതിന്‍റെ ഇസ്‍ലാമിക വിധി എന്ത്?
ചോദ്യകർത്താവ്
ശാനവാസ് ഹംസ
Aug 25, 2016
CODE :
ആനയെ വാങ്ങുന്നതു കൊണ്ടോ അതിനെ ഉപയോഗിക്കുന്നത് കൊണ്ടോ ഒരു കുഴപ്പവുമില്ല. പിന്നെ, ഒരു ജീവിയെയും അതിനു കഴിയാത്ത പ്രവര്‍ത്തനങ്ങള്‍ ചെയ്യാന്‍ നിര്‍ബന്ധിച്ച് ബുദ്ധിമുട്ടിക്കല്‍ ഇസ്ലാം അനുവദിക്കുന്നില്ല എന്നത് ഇവിടെ പ്രത്യേകം മനസ്സിലാക്കേണ്ടതാണ്.
ഏതൊരു വസ്തുവും വില്‍ക്കപ്പെടുമ്പോള്‍ ശ്രദ്ധിക്കേണ്ട നിബന്ധനകള്‍ ഇവയാണ്: വില്‍ക്കപ്പെടുന്നവ വില്‍ക്കുന്നവന്‍റെ ഉടമസ്ഥതയിലുള്ളതാവല്‍, അത് ശുദ്ധിയുള്ളതാവല്‍, നിര്‍ണ്ണിത വസ്തുവാണെങ്കില്‍, വാങ്ങുന്നവന്‍ അത് കാണല്‍. ഈ നിബന്ധനകളൊത്ത ഏതൊരു വസ്തുവിനെയും വില്‍ക്കുകയോ വാങ്ങുകയോ ചെയ്യാവുന്നതാണ്.
കൂടുതല്‍ അറിയാനും അത് അനുസരിച്ച് പ്രവര്‍ത്തിക്കാനും നാഥന്‍ തുണക്കട്ടെ.
