ഞാന്‍ ജീലാനി തങ്ങളുടെയും രിഫാഈ തങ്ങളുടെയും പേര് ഗൂഗിളില്‍ സേര്‍ച്ച് ചെയ്തപ്പോള്‍ അവരുടെ ഫോട്ടോ കണ്ടു. അത് അവര്‍ തന്നെയായിരിക്കുമോ? ഒരു സംവിധാനവും ഇല്ലാത്ത കാലത്ത് വഫാത്തായ മഹാന്മാരെ കാണാന്‍ കഴിയുമോ?
ചോദ്യകർത്താവ്
ഗഫൂര്‍
Aug 25, 2016
CODE :
അല്ലാഹുവിന്റെ തിരുനാമത്തില്‍, അവനാണ് സര്‍വ്വസ്തുതിയും, പ്രവാചകരുടെയും കുടുംബത്തിന്റെയും മേല്‍ അല്ലാഹുവിന്റെ അനുഗ്രഹങ്ങള്‍ വര്‍ഷിച്ചുകൊണ്ടിരിക്കട്ടെ.
പുരാതന ഗ്രീക്കില്‍ ജീവിച്ചിരുന്ന ശാസ്ത്രജ്ഞരുടെയും ഈസ (അ) (യോശു), മര്‍യം (റ) തുടങ്ങിയവരുടെയും ഇബ്റാഹീം (അ) എന്നിവരുടെയും മറ്റു പല ചരിത്ര വ്യക്തികളുടെയും ചിത്രങ്ങള്‍ ഇന്നു ലഭ്യമാണ്. അനുമാനങ്ങളിലൂടെയും മറ്റും നിര്‍മ്മിക്കപ്പെട്ട സാങ്കല്‍പിക ചിത്രണങ്ങള്‍ മാത്രമാണവ. ചിത്രം വരക്കാനുള്ള ചിലരുടെ വൈദഗ്ദ്യത്തെ അവിസ്മരിക്കുന്നുമില്ല. അതു പോലെയുള്ള സാങ്കല്പികങ്ങളാണ് ബഹുമാനപ്പെട്ട ശൈഖ് ജീലാനി (റ)യുടെയും ശൈഖ് റിഫാഈ (റ)യുടെയും ചിത്രങ്ങള്‍. ഒരേ വ്യക്തിയുടെ വിവിധ ചിത്രങ്ങളിലെ വലിയ വ്യത്യാസങ്ങള്‍ തന്നെ ഇവ എത്രമാത്രം വിശ്വാസയോഗ്യമല്ലെന്നു തെളിയിക്കുന്നു.
കൂടുതല്‍ അറിയാനും അത് അനുസരിച്ച് പ്രവര്‍ത്തിക്കാനും നാഥന്‍ തുണക്കട്ടെ.
