ജന്തുക്കൾ ചത്തത് നജസാണല്ലോ . നമ്മൾ നടക്കുന്ന സ്ഥലത്ത് ഉറുമ്പുകൾ മറ്റു ചെറിയ ജീവികൾ എല്ലാം ഉണ്ടാകുമല്ലോ ആ ജീവികളെ ചിലപ്പോൾ നമ്മൾ ചവിട്ടാമല്ലോ അങ്ങനെയാണെങ്കിൽ നമ്മൾ നടക്കുന്ന സ്ഥലത്തെല്ലാം ജീവികളുണ്ടോ എന്ന് ശരിക്കും നോക്കേണ്ടതുണ്ടോ . അങ്ങനെ ചവിട്ടി ചാവുന്ന ജീവികളെല്ലാം നജസാണോ ?
ചോദ്യകർത്താവ്
Mohammed Ashiq
Aug 22, 2017
CODE :Oth8796
അല്ലാഹുവിന്റെ തിരുനാമത്തില്, അവനാണ് സര്വ്വസ്തുതിയും, പ്രവാചകരുടെയും കുടുംബത്തിന്റെയും മേല് അല്ലാഹുവിന്റെ അനുഗ്രങ്ങള് വര്ഷിച്ചുകൊണ്ടിരിക്കട്ടെ.
ഉറുമ്പ് പോലെ ഒലിക്കുന്ന രക്തമില്ലാത്ത ജീവികളുടെ ശവം നജസാണെങ്കിലും അവ പൊറുക്കപ്പെടുന്ന നജസുകളില് പെടുന്നതാണ്. അഥവാ നിസ്കരിക്കുന്ന സമയത്ത് അത്തരം വസ്തുക്കള് വസ്ത്രത്തിലോ നിസ്കരിക്കുന്ന സ്ഥലത്തോ ഉണ്ടെങ്കില് അതു നിസ്കാരത്തിന്റെ സാധുതയെ ബാധിക്കില്ല. അവ വെള്ളത്തിലോ മറ്റ് അന്നപാനീയങ്ങളിലോ വീണാല് അവ നജസാവുകയില്ല. അതിനാല് ആ ജീവികളുടെ ശവം ചവിട്ടി നിസ്കകരിച്ചുവെന്ന് കരുതി നിസ്കാരം ശരിയാവാതിരിക്കില്ല.
കൂടുതല് അറിയാനും അത് അനുസരിച്ച് പ്രവര്ത്തിക്കാനും നാഥന് തുണക്കട്ടെ.
