Islamonweb

അല്ലാഹുവിന്റെ തിരുനാമത്തില്‍, അവനാണ് സര്‍വ്വസ്തുതിയും, പ്രവാചകരുടെയും കുടുംബത്തിന്റെയും മേല്‍ അല്ലാഹുവിന്റെ അനുഗ്രങ്ങള്‍ വര്‍ഷിച്ചുകൊണ്ടിരിക്കട്ടെ. വുളൂവിന്‍റെ അവയവങ്ങളിലേക്ക് വെള്ളം ചേരുന്നതിനെ തടയുന്ന ഒന്നും ഇല്ലാതിരിക്കുക എന്നതാണ് നിബന്ധന. കണ്മഷിയുടെ നിറം മാത്രമേ ഉള്ളൂവെങ്കില്‍ അത് വെള്ളം ചേരുന്നതിനെ തടയില്ല. പക്ഷെ അത് കൂടുതലായി കട്ട പിടിച്ച്  ഉള്ളിലേക്ക് വെള്ളം ചേരാതിരിക്കുന്ന അവസ്ഥ ഉണ്ടായാല്‍ കുളിയും വുളുവും ശരിയാവുകയില്ല. വെള്ളം ചേരുന്നതിനെ തടയുന്നത് ഇല്ലാതിരിക്കുക എന്നതു പോലെ വെള്ളം പകര്‍ച്ചയാകുന്ന ഒന്നും കഴുകപ്പെടുന്ന അവയവങ്ങളില്‍ ഇല്ലാതിരിക്കലും വുളൂഇന്‍റെ നിബന്ധനകളില്‍ പെട്ടതാണ്. കണ്‍മഷി, കഴുകല്‍ നിര്‍ബന്ധമായ സ്ഥലങ്ങളില്‍ ചേരുന്ന വെള്ളത്തിന്‍റെ നിറം പകര്‍ച്ചയാക്കുന്നവെങ്കില്‍ അത് കഴുകി കളഞ്ഞതിനു ശേഷമേ വുളൂ എടുക്കാവൂ. സ്ത്രീകള്‍ കണ്മഷി ഉപയോഗിക്കുന്നതിനെ കുറിച്ച് ഇവിടെ വായിക്കാം. കൂടുതല്‍ അറിയാനും അത് അനുസരിച്ച് പ്രവര്‍ത്തിക്കാനും നാഥന്‍ തുണക്കട്ടെ.