ചന്ദ്രശേഖര്‍ ആസാദിനെ എത്രയും പെട്ടെന്ന് എയിംസില്‍ പ്രവേശിപ്പിക്കണം-പ്രിയങ്ക
ന്യൂഡൽഹി: പൗരത്വ ഭേദഗതി ബില്ലിനെതിരെ ഡൽഹി ജുമാ മസ്ജിദ് പരിസരത്ത് നടന്ന ശക്തമായ പ്രതിഷേധത്തിന് നേതൃത്വം നൽകിയതിനെത്തുടർന്ന് ഡൽഹി പോലീസ് അറസ്റ്റ് ചെയ്ത് തടവിലിട്ട ഭീം ആര്‍മി മേധാവി ചന്ദ്രശേഖര്‍ ആസാദിനെ എത്രയും പെട്ടെന്ന് എയിംസില്‍ പ്രവേശിപ്പിക്കണമെന്ന് എ.ഐ.സി.സി ജനറല്‍ സെക്രട്ടറി പ്രിയങ്ക ഗാന്ധി ട്വിറ്ററിലൂടെ ആവശ്യപ്പെട്ടു.
എതിര്‍ക്കുന്നവരെ അടിച്ചമര്‍ത്താനുള്ള ശ്രമങ്ങളുടെ ഭാഗമായാണ് സർക്കാർ ആസാദിനെ തീഹാര്‍ ജയിലില്‍ അടച്ചതെന്നും ഒരു കാരണവും കൂടാതെ ജയിലില്‍ അടച്ച ആസാദിനെതിരെ മനുഷ്യത്വം പോലും പ്രകടമാകാത്ത നടപടികളാണ് സര്‍ക്കാര്‍ സ്വീ സ്വീകരിക്കുന്നതെന്നും ചൂണ്ടിക്കാട്ടിയ പ്രിയങ്ക ഇത് നാണക്കേടുണ്ടാക്കുന്ന സംഭവമാണെന്നും കൂട്ടിച്ചേർത്തു.
ഡിസംബര്‍ 21നാണ് ആസാദിനെ ഡല്‍ഹി പോലീസ് അറസ്റ്റു ചെയ്തത്. ചന്ദ്രശേഖര്‍ ആസാദിന്‍റെ ആരോഗ്യനിലയില്‍ ആശങ്കയുണ്ടെന്നും ഗുരുതരമായ ആരോഗ്യ പ്രശ്നങ്ങളുള്ള അദ്ദേഹത്തെ എത്രയും പെട്ടെന്ന് ആശുപത്രിയിലേക്ക് മാറ്റണമെന്നും ഡോക്ടര്‍ വ്യക്തമാക്കിയിരുന്നു. എന്നാല്‍ ഈ നിർദേശത്തോട് കേന്ദ്ര സര്‍ക്കാറും ജയില്‍ അധികൃതരും അനുകൂല നിലപാടല്ല സ്വീകരിക്കുന്നത്.
Leave A Comment