ട്രിപ്പൊളി വിമാനത്താവളം ലിബിയൻ സർക്കാർ സേന പിടിച്ചെടുത്തു
ട്രിപ്പൊളി: ആഭ്യന്തര യുദ്ധം രൂക്ഷമായ ലിബിയയിൽ ഖലീഫ ഹഫ്തറിന്‍റെ ലിബിയന്‍ നാഷനല്‍ ആര്‍മിയുടെ (എല്‍.എന്‍.എ) നിയന്ത്രണത്തിൽ നിന്നും ട്രിപ്പൊളി രാജ്യാന്തര വിമാനത്താവളം സര്‍ക്കാര്‍ സേന പിടിച്ചെടുത്തു.
2014ലാണ് പാശ്ചാത്യ രാജ്യങ്ങളുടെ പിന്തുണയോടെ കിഴക്കന്‍ ലിബിയ ആസ്ഥാനമായുള്ള ഹഫ്തറിന്‍റെ ലിബിയന്‍ നാഷനല്‍ ആര്‍മി വിമാനത്താവളത്തിന്‍റെ നിയന്ത്രണം പിടിച്ചെടുത്തത്. തുടര്‍ന്ന് യാത്രാ വിമാനങ്ങള്‍ക്ക് വിലക്ക് ഏര്‍പ്പെടുത്തി. കഴിഞ്ഞ ഏപ്രില്‍ മുതല്‍ രാജ്യ തലസ്ഥാനമായ ട്രിപളി പിടിക്കാനുള്ള നീക്കത്തിലാണ് ഖലീഫ ഹഫ്തറും എല്‍.എന്‍.എയും.
ഗദ്ദാഫിയെ പടിയിറക്കുന്നതില്‍ നിര്‍ണായക പങ്കുവഹിച്ച വ്യക്തിയാണ് ഹഫ്തര്‍. അരാജകത്വം വാഴുന്ന രാജ്യത്തിന്‍റെ ഒട്ടുമിക്ക മേഖലകളിലും ഹഫ്തറിനാണ് നിയന്ത്രണം. തുനീഷ്യന്‍ അതിര്‍ത്തിയിലെ ബദര്‍, തിജി എന്നീ പട്ടണങ്ങള്‍ സര്‍ക്കാര്‍ സേന പിടിച്ചെടുത്തിരുന്നു.
Leave A Comment