പ്രധാനമന്ത്രിക്ക് എസ്കെഎസ്എസ്എഫിന്റെ പത്ത് ലക്ഷം ഈമെയിൽ പരാതികൾ: ഹൈദരലി ശിഹാബ് തങ്ങൾ ഉദ്ഘാടനം ചെയ്തു
മലപ്പുറം: പൗരത്വഭേദഗതി നിയമത്തിനെതിരെ സമരം നയിച്ച വിദ്യാർഥി നേതാക്കൾക്കെതിരെ അന്യായമായി കേസെടുത്ത കേന്ദ്രസർക്കാർ നടപടിക്കെതിരെ എസ്.കെ.എസ്.എസ്.എഫ് സംസ്ഥാന കമ്മിറ്റി സംഘടിപ്പിക്കുന്ന പ്രധാനമന്ത്രിക്ക് പത്ത് ലക്ഷം പരാതികളയക്കുന്ന പരിപാടിയുടെ സംസ്ഥാന തല ഉദ്ഘാടനം ഹൈദരലി ശിഹാബ് തങ്ങൾ നിർവഹിച്ചു.
ലോക്ഡൗണ്‍ മറവില്‍ അന്യായമായി കേസെടുത്തും വിദ്യാര്‍ഥി നേതാക്കളെ ജയിലിലടച്ചും നടത്തുന്ന വിദ്വേഷ നടപടികളില്‍ നിന്ന് കേന്ദ്ര സര്‍ക്കാര്‍ പിന്തിരിയണമെന്ന് ഹൈദരലി ശിഹാബ് ആവശ്യപ്പെട്ടു.
എം.പിമാരായ ഇ.ടി. മുഹമ്മദ് ബഷീര്‍, പി.കെ. കുഞ്ഞാലിക്കുട്ടി, വി.ടി. ബല്‍റാം എം.എല്‍.എ, സാദിഖലി ശിഹാബ് തങ്ങള്‍ തുടങ്ങിയവരും പങ്കാളികളായി. വെള്ളിയാഴ്ച രാവിലെ പത്തിന് ശാഖാ തലങ്ങളില്‍ ഹോം പ്രൊട്ടസ്റ്റ് നടത്തും.
Leave A Comment