വെസ്റ്റ് ബാങ്ക് പിടിച്ചെടുക്കുന്നതിനെതിരെ ഇസ്രായേലിൽ പ്രതിഷേധ പ്രകടനം
ഇസ്രായേലിലെ അറബ് ഭൂരിപക്ഷ രാഷ്ട്രീയ പാര്‍ട്ടികളും ഇടതുപാര്‍ട്ടികളും സന്നദ്ധസംഘടനകളുമാണ് പ്രതിഷേധവുമായി പ്രധാനമായും റോഡുകൾ കയ്യടക്കിയിരിക്കുന്നത്. മാസ്ക് ധരിച്ചും സാമൂഹിക അകലം പാലിച്ചുമാണ് പ്രതിഷേധക്കാര്‍ ഒത്തുചേര്‍ന്നത്. പ്രതിഷേധം അടിച്ചമര്‍ത്താന്‍ പൊലീസ് ശ്രമം നടത്തിയെങ്കിലും നടന്നില്ല. ശനിയാഴ്ച മാത്രം 6000 ത്തില്‍ അധികം പ്രതിഷേധക്കാരാണ് തെരുവിലിറങ്ങിയത്.
"ഞങ്ങള്‍ക്ക് കൂട്ടിച്ചേര്‍ക്കലും കീഴടക്കലും വേണ്ട, സമാധാനവും പൗരാവകാശങ്ങളുമാണ് വേണ്ടത്", പ്രതിഷേധ റാലികളിൽ ജനം ആർത്തു വിളിച്ചു. അമേരിക്കൻ പ്രസിഡണ്ട് തെരഞ്ഞെടുപ്പിലെ ഡെമോക്രാറ്റിക് സ്ഥാനാർത്ഥി ബെൻ സാൻഡേഴ്സൺ പ്രതിഷേധ റാലിയെ വീഡിയോ കോൺഫറൻസിലൂടെ അഭി സംബോധനം ചെയ്തു. യു.എസ് പ്രസിഡന്‍റായി ഡോണള്‍ഡ് ട്രംപ് അധികാരത്തില്‍ വന്നതോടെയാണ് വെസ്റ്റ്ബാങ്കിലെ ഭാഗങ്ങള്‍ കൂട്ടിച്ചേര്‍ക്കാനുള്ള നെതന്യാഹുവിന്‍റെ നീക്കങ്ങള്‍ എളുപ്പമായത്. കാലങ്ങളായി തുടരുന്ന ഫലസ്തീന്‍-ഇസ്രായേല്‍ സംഘര്‍ഷം പരിഹരിക്കാന്‍ നൂറ്റാണ്ടിന്റെ കരാറെന്ന പേരിൽ വെസ്റ്റ്ബാങ്കിന്‍റെ മറ്റുഭാഗങ്ങള്‍ കൂടി ഇസ്രായേലിന്‍റ നിയന്ത്രണത്തിലാക്കി, ട്രംപ് സമാധാന ഫോര്‍മുല മുന്നോട്ടുവെച്ചിരുന്നു. എന്നാല്‍, ഈ ഫോര്‍മുല ഫലസ്തീന്‍ തള്ളുകയായിരുന്നു.
Leave A Comment