ഉയ്ഗൂറുകളോടുള്ള ക്രൂരത: ചൈനീസ് കമ്യൂണിസ്റ്റ് പാര്‍ട്ടി നേതാക്കൾക്കെതിരെ യുഎസ് ഉപരോധം
വാഷിങ്ടണ്‍: ചൈനയിലെ മുസ്‌ലിം ന്യൂനപക്ഷമായ ഉയ്ഗൂറുകൾക്ക് നേരെയുള്ള വർഷങ്ങൾ നീണ്ട അവകാശ നിഷേധങ്ങളുടെ പേരിൽ ചൈനയ്ക്കെതിരെ ശക്തമായ വിമർശനം ഉന്നയിച്ചത് പിന്നാലെ ചൈനീസ് കമ്യൂണിസ്റ്റ് പാര്‍ട്ടിയുടെ പോളിറ്റ്ബ്യൂറോ അംഗമായ ചെന്‍ ക്വാന്‍ഗോക്കെതിരെ യു.എസ് വിലക്കേർപ്പെടുത്തി.
ക്വാന്‍ഗോ ഉള്‍പ്പടെ നാല് കമ്യൂണിസ്റ്റ് പാര്‍ട്ടി നേതാക്കള്‍ക്കെതിരെയാണ് യു.എസ് വിലക്കേര്‍പപ്പെടുത്തിയത്. യു.എസ് അധികൃതര്‍ചൈനീസ് കമ്യൂണിസ്റ്റ് പാര്‍ട്ടിയുടെ പോളിറ്റ്ബ്യൂറോ അംഗമായ ഇവരെ കരിമ്പട്ടികയില്‍ പെടുത്തും.
സിന്‍ജിയാങ്ങിലെ ഡെപ്യൂട്ടി പാര്‍ട്ടി സെക്രട്ടറി സാഹു ഹാലുന്‍, കമ്യൂണിസ്റ്റ് പാര്‍ട്ടി സെക്രട്ടി വാങ് മിങ്ഷാന്‍, മുന്‍ പാര്‍ട്ടി സെക്രട്ടറി ഹുവോ ലിയുജുന്‍ എന്നിവരേയും വിലക്കിയിട്ടുണ്ട്. സിന്‍ജിയാങ് മേഖലയില്‍ സ്വന്തം പൗരന്‍മാരായ ഉയിഗുര്‍ മുസ്ലിംകള്‍ക്കെതിരെ ചൈനീസ് കമ്യൂണിസ്റ്റ് പാര്‍ട്ടി നടത്തുന്ന ക്രൂരതകള്‍ക്കെതിരെ ലോകം ഒന്നിക്കണമെന്നും യു.എസ് ആവശ്യപ്പെട്ടു.
ഉയ്ഗൂര്‍ മുസ്ലിംകളെ ഏകാന്ത തടവില്‍ പാര്‍പ്പിക്കുകയും നിര്‍ബന്ധിത ജോലി, മതപരിവര്‍ത്തനം, ഭ്രൂണഹത്യ എന്നിവക്ക് വിധേയമാക്കുന്നുണ്ടെന്നും അമേരിക്ക നേരത്തെ ആരോപിച്ചിരുന്നു. നേരത്തെ ചൈനക്കെതിരെ ഉയ്ഗൂർ മുസ്‌ലിംകൾ ഹേഗിലെ അന്താരാഷ്ട്ര നീതി ന്യായ കോടതിയെ സമീപിച്ചിരുന്നു.
Leave A Comment