കശ്മീരിൽ പിഡിപിയുമായി സഖ്യം പ്രഖ്യാപിച്ച് നാഷണൽ കോൺഫറൻസ്
ന്യൂഡല്‍ഹി: ആര്‍ട്ടിക്കള്‍ 370 പ്രകാരം ജമ്മുകശ്മീരിന് നല്‍കിയ പ്രത്യേക അധികാരങ്ങള്‍ തിരിച്ച്‌ പിടിക്കുകയാണ് തങ്ങളുടെ ലക്ഷ്യമെന്ന് പ്രഖ്യാപിച്ച് മെഹ്ബൂബ മുഫ്തിയുടെ പീപ്പിള്‍സ് ഡെമോക്രാറ്റിക് പാര്‍ട്ടിയുമായി നാഷണല്‍ കോണ്‍ഫറന്‍സ് സഖ്യം രൂപീകരിക്കുന്നു.
ഒരു വർഷക്കാലത്തെ വീട്ടുതടങ്കലിൽ നിന്ന് മോചിതയായ മെഹ്ബൂബയുമായി സഖ്യം പ്രഖ്യാപിച്ച് നാഷണൽ കോൺഫറൻസ് ദേശീയ അദ്ധ്യക്ഷൻ ഫാറൂഖ് അബ്ദുല്ല രംഗത്തെത്തി.
വീട്ടുതടങ്കലിൽ നിന്ന് മോചിതയായ ഉടൻ ഫാറൂഖ് അബ്ദുല്ലയും ഉമര്‍ അബ്ദുല്ലയും മെഹ്ബൂബയെ വീട്ടിലെത്തി കണ്ടിരുന്നു. ആർട്ടിക്കിൾ 370 തിരിച്ചുപിടിക്കാനുള്ള പോരാട്ടത്തിന് മെഹ്ബൂബ പിന്തുണ പ്രഖ്യാപിച്ചിരുന്നു. ഇതിന് പിന്നാലെയാണ് ഇരു പാർട്ടികളും പുതിയ സഖ്യം പ്രഖ്യാപിച്ചിരിക്കുന്നത്. പീപ്പിള്‍സ് അലയന്‍സ് ഫോര്‍ ഗുപ്കര്‍ ഡിക്ലറേഷന്‍ എന്നാണ് സഖ്യത്തിന്റെ പേര്. കശ്മീരിന്റെ പ്രത്യേക പദവി സംബന്ധിച്ച വിഷയം ചര്‍ച്ചചെയ്യാന്‍ ഫാറൂഖ് അബ്ദുല്ലയുടെ വസതിയില്‍ ചേര്‍ന്ന യോഗത്തിലാണ് പുതിയ രാഷ്ട്രീയ നീക്കത്തിന് ധാരണയായത്.
Leave A Comment