സഅദ് ഹരീരി വീണ്ടും ലബനാൻ പ്രധാനമന്ത്രിയാവുന്നു
ബൈറൂത്: സഅദ് ഹരീരി വീണ്ടും ലബനാൻ പ്രധാനമന്ത്രിയാവുന്നു. പ്രസിഡന്‍റ് മിഷേല്‍ ആവോണ്‍ പ്രധാനമന്ത്രി പദത്തിലേക്ക് ഹരീരിയുടെ പേര്
നിര്‍ദേശിച്ചിരിക്കുകയാണ്.
. 75-90 കാലത്തെ ആഭ്യന്തരയുദ്ധശേഷം രാജ്യം ഏറ്റവും വലിയ പ്രതിസന്ധി അനുഭവിക്കുന്ന സമയത്താണ് ഹരീരിയെ തേടി വീണ്ടും പ്രധാന മന്ത്രി പദവിയെത്തുന്നത്.
പുതിയ വെല്ലുവിളികൾ അതിജീവിക്കുക എന്നതാകും ഹരീരിയുടെ മുന്നിലെ പ്രധാന വെല്ലുവിളി. നാലാമത്തെ തവണ പ്രധാനമന്ത്രിയാകാനാണ് ഹരീരി ഒരുങ്ങുന്നത്. സര്‍ക്കാര്‍വിരുദ്ധ പ്രക്ഷോഭങ്ങളെ തുടര്‍ന്ന് കഴിഞ്ഞ വര്‍ഷം ഒക്ടോബറിലാണ് അദ്ദേഹം രാജിവെച്ചത്. രാജ്യത്തെ സാമ്പത്തിക പ്രതിസന്ധിയില്‍നിന്ന് കരകയറ്റാന്‍ വിദഗ്ധരെ ഉള്‍പ്പെടുത്തി സര്‍ക്കാറുണ്ടാക്കുമെന്ന് ഹരീരി പറഞ്ഞു. ലബനാൻ തലസ്ഥാനമായ ബൈറൂത്തിൽ നടന്ന ഉഗ്രസ്ഫോടനത്തോടെയാണ് സർക്കാർ വിരുദ്ധ പ്രക്ഷോഭം ശക്തിയാർജിക്കുന്നതും അങ്ങനെ നിലവിലെ മന്ത്രിസഭ മുഴുവൻ രാജിവെക്കുന്നതും. ഇതോടെയാണ് മുൻപ്രധാനമന്ത്രി ഹരീരിക്ക് ഒരു അവസരം കൂടി ലഭിക്കുന്നത്.
Leave A Comment