താലിബാനുമായി യുഎസ് പുതിയ സമാധാന ചർച്ചക്ക്
കാബൂള്‍ : അഫ്ഗാനിസ്ഥാനിൽ താലിബാനുമായുള്ള സമാധാന ചർച്ചകൾ പരാജയപ്പെട്ട് ചെറിയ ഇടവേളക്ക് ശേഷം പുതിയ ചർച്ചകളുടെ സൂചനയുമായി അമേരിക്കൻ പ്രസിഡൻറ് ഡൊണാൾഡ് ട്രംപ്. താലിബാനുമായി സമാധാന ചര്‍ച്ച പുനരാരംഭിക്കുമെന്നും വെടിനിര്‍ത്തലിനു താലിബാനു താത്പര്യമുണ്ടെന്നാണു കരുതുന്നതെന്നും
ട്രംപ് വ്യക്തമാക്കി.
താങ്സ്ഗിവിംഗ് ദിനത്തോടനുബന്ധിച്ച്‌ അഫ്ഗാനിസ്ഥാനില്‍ സന്ദര്‍ശനം നടത്തിയ ട്രംപ് ബാഗ്രാം സൈനിക താവളത്തില്‍ യുഎസ് സൈനികരെ അഭിസംബോധന ചെയ്ത് നന്ദി രേഖപ്പെടുത്തി. ഭീകരർക്കെതിരെ ശക്തമായ നടപടികൾ സ്വീകരിച്ച സൈനികരെ നേരിട്ടു കണ്ട് ട്രംപ് അഭിനന്ദിച്ചു.
ട്രംപുമായി കൂടിക്കാഴ്ച നടത്തിയ
അഫ്ഗാനിസ്ഥാൻ പ്രസിഡന്റ് അഷറഫ് ഗനി സമാധാനക്കരാറുണ്ടാക്കാൻ താലിബാന് താൽപര്യമുണ്ടെങ്കിൽ വെടിനിർത്തൽ കരാറും അംഗീകരിക്കേണ്ടി വരുമെന്ന് ട്വീറ്റ് ചെയ്തു.
Leave A Comment