എന്‍.ആര്‍.സി ബിഹാറില്‍ നടപ നടപ്പാക്കില്ലെന്ന് ബീഹാർ മുഖ്യമന്ത്രി നിതീഷ് കുമാർ
ന്യൂഡല്‍ഹി: കേന്ദ്ര ആഭ്യന്തരമന്ത്രി രാജ്യവ്യാപകമായി നടപ്പാക്കുമെന്ന് ആവര്‍ത്തിച്ച ദേശീയ പൗരപൗരത്വപ്പട്ടികക്ക് പിന്തുണ പ്രഖ്യാപിച്ചിരുന്നു ജെഡിയു നിലപാടിൽ മാറ്റം വരുത്തിയതായി പ്രഖ്യാപനം നടത്തി.
(എന്‍.ആര്‍.സി) ബിഹാറില്‍ നടപ്പാക്കില്ലെന്ന് എന്‍.ഡി.എ ഘടകകക്ഷിയായ ജനതാദള്‍ -യു നേതാവ് കൂടിയായ മുഖ്യമന്ത്രി നിതീഷ് കുമാർ വ്യക്തമാക്കി.
ഇരു സഭകളിലും ബില്ലിനെ പിന്തുണച്ചതിനെ തുടർന്ന് പാർട്ടിയുടെ തെരഞ്ഞെടുപ്പ് തന്ത്രജ്ഞനും നേതാവുമായ പ്രശാന്ത് കിഷോർ രാജി ഭീഷണി മുഴക്കിയതോടെയാണ് നിതീഷ് കുമാറിന്‍റെ കരണംമറിച്ചില്‍. അതേസമയം, പൗരത്വ ഭേദഗതി നിയമം (സി.എ.ബി) ഭരണഘടനാവിരുദ്ധവും നിയമവിരുദ്ധവുമാണെന്ന് പ്രശാന്ത് കിഷോർ നിലപാട് വ്യക്തമാക്കിയിരുന്നെങ്കിലും പഴയ നിലപാട് മാറ്റാൻ നിതീഷ് കുമാര്‍ തയാറായിട്ടില്ല.
പൗരത്വ ഭേദഗതി നിയമത്തോടൊപ്പം ദേശീയ പൗരത്വപ്പട്ടിക (എന്‍.ആര്‍.സി) കൂടി ചേരുമ്പോള്‍ അത് അത്യന്തം അപകടകരമായിരിക്കുമെന്ന് വെള്ളിയാഴ്ച നിതീഷ് കുമാറുമായുള്ള കൂടിക്കാഴ്ചയില്‍ പ്രശാന്ത് കിഷോര്‍ ധരിപ്പിച്ചിരുന്നു. പൗരത്വ ഭേദഗതി നിയമം ഭരണഘടനാവിരുദ്ധവും നിയമവിരുദ്ധവുമാണ്. രണ്ടിലും ബി.ജെ.പിയെ പിന്തുണച്ചത് വരാനിരിക്കുന്ന തെരഞ്ഞെടുപ്പില്‍ വലിയ തിരിച്ചടിയാകുമെന്നും കിഷോര്‍ പറഞ്ഞിരുന്നു.
അതേസമയം, പൗരത്വ ഭേദഗതി നിയമത്തെ പാര്‍ലമന്‍റില്‍ പിന്തുണച്ച നടപടി പരസ്യമായി ചോദ്യംചെയ്ത പ്രശാന്ത് കിഷോര്‍ പാര്‍ട്ടി വിടണമെന്ന് ജനതാദള്‍ -യു നേതാവ് ആര്‍.സി.പി സിങ് ആവശ്യപ്പെട്ടു.
പാര്‍ട്ടിയുടെ മറ്റൊരു നേതാവ് പവന്‍ വര്‍മ കിഷോര്‍ പക്ഷത്തും നിലയുറപ്പിച്ചതോടെ പാര്‍ട്ടിയിലുണ്ടായ ഭിന്നിപ്പിനിടയിലാണ് നിതീഷ് കുമാര്‍ കരണം മറിഞ്ഞത്.
Leave A Comment