സർകാർ ഫണ്ട് ലഭിക്കുന്ന മദ്രസകൾ അടച്ചു പൂടണമെന്ന് ബിജെപി എംഎൽഎ, ബിജെപിക്ക് സമനില തെറ്റിയതായി കോൺഗ്രസ്
.jpeg)
മുംബൈ: ആസ്സാമില മദ്രസകൾ അടച്ച് പൂട്ടണമെന്ന ബിജെപി സർക്കാർ തീരുമാനത്തിന് പിന്നാലെ മഹാരാഷ്ട്രയിൽ സംസ്ഥാന സര്‍ക്കാര്‍ ഫണ്ട് നല്‍കുന്ന മദ്രസകള്‍ അടച്ചുപൂട്ടണമെന്ന ബി.ജെ.പി ആവശ്യത്തിനെതിരെ രൂക്ഷവിമര്‍ശനവുമായി കോണ്‍ഗഗ്രസ് രംഗത്തെത്തി. ഇത്തരം ആവശ്യങ്ങൾ ഉയർത്തുന്നത് ബി.ജെ.പി നേതാക്കള്‍ക്ക് സമനില നഷ്ടമായതിന് തെളിവാണെന്ന് കോണ്‍ഗ്രസ് നേതാവ് സചിന്‍ സാവന്ത് പറഞ്ഞു.
ബി.ജെ.പി എം.എല്‍.എയായ അതുല്‍ ഭത്കല്‍കാര്‍ മദ്രസകള്‍ അടച്ചുപൂട്ടാന്‍ ഉത്തരവിടണമെന്ന് ആവശ്യപ്പെട്ട് മഹാരാഷ്ട്ര മുഖ്യമന്ത്രിക്ക് കത്തയച്ചിരുന്നു. ഇതിന് പിന്നാലെയാണ് രൂക്ഷവിമര്‍ശനവുമായി കോണ്‍ഗ്രസ് രംഗത്തെത്തിയത്. അതുല്‍ ഭത്കാല്‍ക്കറിന്റെ മാനസിക നില തെറ്റിയിരിക്കുകയാണെന്നും സച്ചിന്‍ സാവന്ത് പറഞ്ഞു. 2014ലെ തെരഞ്ഞെടുപ്പ് പ്രകടനപത്രികയില്‍ മദ്രസകള്‍ ആധുനികവല്‍ക്കരിക്കുമെന്ന് പറഞ്ഞ ബി.ജെ.പി ഇപ്പോള്‍ അത് അടച്ചുപൂട്ടാന്‍ ആവശ്യപ്പെടുകയാണെന്ന വൈരുദ്ധ്യമാണ് മഹാരാഷ്ട്രയിൽ സംഭവിക്കുന്നത്.
Leave A Comment