കൊറോണ വ്യാപനത്തെ തബ്‌ലീഗുമായി ചേർത്തി പറയുന്നത് എന്നെ വേദനിപ്പിക്കുന്നു- കേന്ദ്ര ആരോഗ്യമന്ത്രി
ന്യൂഡല്‍ഹി: ഇന്ത്യയിലുടനീളം കൊറോണ വൈറസ് പടർന്നുപിടിക്കാൻ കാരണം ഡൽഹി മർകസ് നിസാമുദ്ദീനിൽ സംഘടിപ്പിച്ച തബ് ലീഗ് ജമാഅത്ത് സമ്മേളനമാണെന്ന് സംഘ് പരിവാർ വ്യാപകമായി വർഗീയ പ്രചരണം നടത്തിയതിനൊടുവിൽ വിഷയത്തിൽ പ്രതികരണവുമായി കേന്ദ്ര ആരോഗ്യമന്ത്രി ഹര്‍ഷ് വർധൻ. നിസാമുദീന്‍ തബ്‌ലീഗ് സമ്മേളനവുമായി ബന്ധപ്പെട്ട വിവാദങ്ങളും ചര്‍ച്ചകളും അവസാനിപ്പിക്കണമെന്ന്
മന്ത്രി ആവശ്യപ്പെട്ടു.
തബ്‌ലീഗ് സമ്മേളനം തുടര്‍ച്ചയായി ചര്‍ച്ചയാകുന്നത് തന്നെ വേദനിപ്പിക്കുന്നെന്നും അദ്ദേഹം വ്യക്തമാക്കി.
തബ്‌ലീഗ് സമ്മേളനതെ സംബന്ധിച്ച് ബിജെപിപി എംപി ജി.വി.എല്‍. നരസിംഹറാവു ഉന്നയിച്ച ചോദ്യത്തോട് പ്രതികരിക്കുകയായിരുന്നു ആരോഗ്യ മന്ത്രി. "നോക്കൂ, അതെല്ലാം പഴയകാര്യങ്ങളാണ്. ആവശ്യത്തിന് സംവാദങ്ങളും നടന്നുകഴിഞ്ഞു, ഇനി , ഇത് തന്നെ വീണ്ടും വീണ്ടും ഉന്നയിക്കുന്നത് എന്നെ വേദനിപ്പിക്കുന്നു". തുടര്‍ച്ചയായി ഇത്തരത്തില്‍ ചര്‍ച്ച ചെയ്യണ്ട കാര്യമില്ലെന്നും അദ്ദേഹം കൂട്ടിച്ചേര്‍ത്തു.
Leave A Comment