ലബനാനിൽ സർക്കാർ വിരുദ്ധ പ്രക്ഷോഭം ശക്തം: മൂന്ന് മന്ത്രിമാർ രാജിവെച്ചു
അതിനിടെ സ്ഫോടനത്തെ തുടർന്ന് രാജ്യത്ത് പൊട്ടിപ്പുറപ്പെട്ട സർക്കാർ വിരുദ്ധ പ്രക്ഷോഭം കൂടുതൽ ശക്തിയാർജിച്ചു. പ്രക്ഷോഭം ശക്തമായതിനെ തുടർന്ന് ലബനീസ് നീതിന്യായ മന്ത്രി മരീ നജ്മ്, വിവര സാങ്കേതിക മന്ത്രി മനാൽ അബ്ദു സമദ്, പരിസ്ഥിതി മന്ത്രി ദാമിയാനോസ് ഖട്ടർ എന്നിവർ രാജിവെച്ചു. വരും നാളുകളിൽ സർക്കാർ വിരുദ്ധ പ്രക്ഷോഭം കൂടുതൽ തലങ്ങളിലേക്ക് വ്യാപിക്കുമെന്നാണ് കരുതപ്പെടുന്നത്.
അതേസമയം ലബനാന് സഹായവുമായി നടന്ന 'ദാതാക്കളുടെ സമ്മേളനത്തിൽ' 300 ദശലക്ഷം യൂറോ സംഭാവനയായി ലഭിച്ചു. ഇതിൽ അമേരിക്കൻ പ്രസിഡന്റ് ഡൊണാൾഡ് ട്രംപ് ഫ്രഞ്ച് പ്രസിഡണ്ട് ഇമ്മാനുവൽ മാക്രോണും പങ്കെടുത്തിരുന്നു. രാജ്യത്തെ അടിസ്ഥാന വികസനങ്ങൾക്കായി അന്താരാഷ്ട്ര നാണയ നിധി സഹായം വാഗ്ദാനം ചെയ്തിട്ടുണ്ട്. ലബനാനെ നടുക്കിയ സ്ഫോടനത്തിൽ അന്വേഷണ ഉദ്യോഗസ്ഥരെ കോടതി നേരിട്ട് വിളിപ്പിച്ചു ചോദ്യം ചെയ്തിട്ടുണ്ട്.
Leave A Comment