കര്‍ണാടക ഹിജാബ് നിരോധനം: വാദം കേള്‍ക്കാന്‍ പ്രത്യേക ബെഞ്ച്
കര്‍ണാടക ഹിജാബ് നിരോധന വിഷയത്തില്‍ വാദം കേള്‍ക്കാന്‍ പ്രത്യേക ബെഞ്ചിനെ നിയമിക്കുമെന്ന് സുപ്രീംകോടതി.
കര്‍ണാടക സര്‍ക്കാര്‍ സ്‌കൂളുകളില്‍ ഹിജാബ് ധരിച്ച് പരീക്ഷ എഴുതണമെന്ന മുസ്‌ലിം പെണ്‍കുട്ടികളുടെ ഹര്‍ജി പരിഗണിക്കാന്‍ മൂന്നംഗ ബെഞ്ച് രൂപീകരിക്കുമെന്ന് സുപ്രീംകോടതി. തിയ്യതി എന്നാണെന്ന് കോടതി വ്യക്തമാക്കിയില്ല. സംസ്ഥാനത്തെ പ്രീ-യൂണിവേഴ്‌സിറ്റി കോളേജുകളിലെ പരീക്ഷകള്‍ മാര്‍ച്ച് 9 മുതല്‍ ആരംഭിക്കും.
ശിരോവസ്ത്രം ധരിക്കാന്‍ അനുവാദമില്ലാത്ത സര്‍ക്കാര്‍ സ്‌കൂളുകളില്‍ പരീക്ഷ നടക്കുന്നതില്‍ പെണ്‍ക്ുട്ടികള്‍ക്ക് മറ്റൊരു അധ്യയന വര്‍ഷം കൂടി നഷ്ടപ്പെടുമെന്ന സാഹചര്യമായതിനാല്‍ ഹര്‍ജിയില്‍ അടിയന്തര വാദം കേള്‍ക്കണമെന്ന് വിദ്യാര്‍ത്ഥിനികള്‍ക്ക് വേണ്ടി ഹാജരായ അഭിഭാഷകന്‍ ഷദന്‍ ഫര്‍സത്ത് ആവശ്യപ്പെട്ടു.
ഈ വിഷയത്തില്‍ ഒരു പ്രത്യേക ബെഞ്ച് രൂപീകരിക്കുമെന്നാണ് ചീഫ് ജസ്റ്റിസ് ഡി.വൈ ചന്ദ്രചൂഡ്, ജസ്റ്റിസുമാരായ പി.എസ് നരസിംഹ ജെ.ബി പര്‍ദിവാല എന്നിവരടങ്ങിയ ബെഞ്ച് വ്യക്തമാക്കിയത്.
Leave A Comment