Islamonweb

ഇസ്‌ലാമിക ചരിത്രത്തിൽ സുപ്രധാനമായ സ്ഥാനമാണ് ഈ രാജ്യത്തിനുള്ളത്. പശ്ചിമാഫ്രിക്കയിൽ  ഇസ്‌ലാമിന്‍റെ പ്രചാരണത്തിൽ മുഖ്യപങ്ക് വഹിച്ച നാടാണിത്. അതിനു പുറമെ മൊറോക്കോ, അൾജീരിയ, സ്പെയിൻ എന്നീ രാജ്യങ്ങളിലെ മുസ്‌ലിംകള്‍ക്ക്‌
പ്രതിസന്ധികൾ നേരിടുമ്പോൾ സഹായമെത്തിച്ചത് ഇവിടെ നിന്നുള്ള സുൽത്താന്മാരാണ്.

ആഫ്രിക്കയുടെ വടക്ക് - പടിഞ്ഞാറ് ഭാഗത്ത് സ്ഥിതി ചെയ്യുന്ന രാഷ്ട്രമാണ് ഇസ്ലാമിക് റിപ്പബ്ലിക് ഓഫ് മൗറിത്താനിയ. ഹിജ്‌റ 172 ൽ മഗ്‌രിബുൽ അഖ്‌സയിൽ ആദരിസികളുടെ ഭരണം നിലവിൽ വന്നതിനെ തുടർന്ന് തെക്കൻ മേഖലകളിലേക്ക് ഇസ്ലാം പ്രചരിപ്പിക്കാൻ തുടങ്ങി. അങ്ങനെയാണ് ഈ പ്രദേശത്തേക്ക് ഇസ്ലാം എത്തുന്നത്. മുഖംമൂടി ധരിച്ചവർ എന്ന പേര് ഇവിടത്തെ പുരാതന ഗോത്ര വർഗത്തിനുണ്ട്. രാത്രിയും പകലും ഉറങ്ങുമ്പോഴും ജോലിയെടുക്കുമ്പോഴും ഇവർ മുഖാവരണം ധരിക്കുമായിരുന്നു, അതുകൊണ്ടാണ് അങ്ങനെയൊരു പേര് ലഭിച്ചത്. 

Also Read:ലിബിയയിലെ ഇസ്‌ലാമിക ചരിത്രം

മൗറിത്താനിയക്ക് അറബിഗ്രന്ഥങ്ങളിലെ പഴയ പേര് ഷൻഖീത്ത് എന്നാണ്. അതുകൊണ്ട് തന്നെ മൗറിത്താനിയയിലെ പണ്ഡിതർ ഷൻഖീത്ത് എന്ന പേരിൽ അറിയപ്പെടുന്നുണ്ട്. 

1904 ഫ്രഞ്ച് അധിനിവേശ ശക്തികൾ ഈ രാജ്യം പിടിച്ചെടുത്തു. അന്നുമുതൽക്ക് തന്നെ മൗറിത്താനിയയെ മോചിപ്പിക്കാനുള്ള സ്വതന്ത്ര സമരം ആരംഭിക്കുകയും ചെയ്തു. 1960 ൽ രാജ്യം സ്വാതന്ത്ര്യം നേടുകയും മുഖ്താർ അൽ വദൂദ് അധികാരമേൽക്കുകയും ചെയ്തു. 1978 ൽ പട്ടാള ഭരണം വന്നു.